Ég er að horfa á hið konunglega brúðkaup með öðru auganu. Mikið óskaplega eru þetta fínir bílar og vel bónaðir. Ég horfði á jarðarför Díönu um árið og hágrét for some reason. En ég tók einmitt eftir því inn á illi ekkasoganna hvað bílarnir voru flottir og sérstaklega vel bónaðir. Hvernig nær maður svona flottum gljáa á bílana?
Ég hef alltaf verið sucker fyrir því þegar ástin sigrar svo ég hef ekkert á móti þessu brúðkaupi. Mér finnst bara sorglegt vegna einhverra siða og reglna og forpokaðra þjóðfélagsmeininga (já, forpokaðar þjóðfélagsmeiningar sem koma í veg fyrir hamingju fólks fara í taugarnar á mér) þá gátu þau ekki giftst strax og Díönu greyinu var fórnað á altari undaneldis. Hrikalega leiðinlegt að hún skyldi lenda í þessu slysi og deyja langt fyrir aldur fram. En það má kannski líta á það sem poetic justice að Vilhjálmur sonur hennar og verðandi konungur er alveg lifandi eftirmynd hennar.
Jee, ætli að ég sé að verða kóngasnobb eins og mamma?