föstudagur, júlí 08, 2005

fimmtudagur, júlí 07, 2005

Það er ekki gott að vera allt í einu farin að standa með Bush. Hryðjuverkamenn eru hel.. skítapakk sem á að skjóta á færi! Eða handtaka og setja í tukthús um aldur og ævi. Nei, skjóta þá á færi.

miðvikudagur, júlí 06, 2005

Búslóðir hafa tilhneigingu til að safnast upp. Fólk kaupir sér nýtt og gamalt dót fer í geymslu. Afar og ömmur deyja og búslóðinni skipt upp. Ég er t.d. með gamla sófasettið frá pabba og mömmu. Ég er líka með gamla hjónarúmið þeirra. þegar afi dó og það var hreinsað út úr kompunni hans og ömmu þá kom út gamla barnarúmið okkar systra. Foreldrar mínir höfðu sem sagt lumað dóti í geymsluna hjá gömlu hjónunum. Einhverra hluta vegna þótti sjálfsagt að ég tæki þetta rúm. Opinbera ástæðan var sú að það var enn þá pláss í minni geymslu, sem er ekki rétt því rúmið er búið að vera á faraldsfæti á kompuganginum nágrönnum mínum til leiðinda. Raunveralega ástæðan held ég að hafi verið þrýstingur. Sama ástæða held ég að hafi legið á bak við að ég fékk barnaföt í hausinn.
Jæja, nú er ég ekki að ganga út og er komin með back-up planið í gang, sem er að fara út á land. Sagnir herma að karlmenn séu í meirihluta á landsbyggðinni. Einhleypir suður-þingeyskir bændur vita ekki enn á hverju þeir eiga von en það liggur alveg ljóst fyrir að einn þeirra mun giftast mér og eignast með mér börn. Make no mistake about that! Hins vegar hef ég áhyggjur af að tilgangur minn verði full augljós ef ég mæti, pipraða kennslukonan, bæði með hjóna- og barnarúm í farteskinu. Ég vil ekki eiga það á hættu að á bresti bændaflótti úr dalnum. Run to hills!
Æi, nei. Ætli ég verði ekki að skilja barnarúmið eftir.
Það er þetta með málfrelsið. I'm all for it. En stundum, já það koma stundir.

þriðjudagur, júlí 05, 2005

Ljúfum húsfundi lokið. Komið ungt dugnaðarfólk í húsið og þetta er allt í góðum höndum. Hvernig er máltækið: Nýir vendir sópa best(?) Sýnist það vera orð að sönnu.
Jæja, best að fara að taka til. Aðeins að vafra á netinu fyrst... Dúbbídúú... Og fá sér kaffi... og...

mánudagur, júlí 04, 2005

Hvað gerir maður svo þegar maður þarf að taka til? Fer auðvitað út. Segir sig sjálft.
Held húsfund á morgun þar sem ég mun formlega losa mig við gjaldkerastöðuna. Er þ.a.l. að reyna að gera íbúðina fundarfæra. Ojojoj, nennekkinennekki....

sunnudagur, júlí 03, 2005

Live Aid var gjörsamlega æðislegt á sínum tíma. Ég beið í ofvæni eftir að tónleikarnir yrðu gefnir út á DVD og hrelldi litla stráka í plötubúðum með reglulegum fyrirspurnum. Ég missti gjörsamlega af Live Eight. Sennilega aldurinn. Styð málefnið heils hugar en bara... Ég var að spá í að fara á Duran Duran tónleikana en svo nennti ég því ekki þegar upp var staðið. Ég var alltaf Whammari og er enn í hjarta mínu:)
Er búin að eyða helginni með ógeðslegum raðmorðingja og er nú byrjuð á næstu bók. En sem komið er finnst mér Patricia Cornwell betri en Kathy. En ferlega þarf að yfirlýsa þær í myndatökunum!