Færslur

Sýnir færslur frá febrúar 6, 2005
Fyrst brennisteinsblandað One-shot vinnur ekki á stíflunni þá hlýtur hún að vera ansi mergjuð. Ég á engan drullusokk svo nágrannakona mín á áttræðisaldri er búin að skokka á milli með sinn og reyna ná hreyfingu á þetta. Fáum bara svarta og illa lyktandi drullu upp í vaskana. Keypti nýja flösku af Mr. Muscle og hellti ofan í. Leyfi því að liggja í nótt en svo neyðist ég til að kalla á pípara á mánudag. Tími ekki að borga helgarútkall. Mér finnst verst að það fékkst ekki drullusokkur í 10-11. Þetta eru spennandi tímar!
Ég er búin að vera í ofnæmiskasti undanfarna daga svo það er loksins að hvarfla að mér að kannski sé ég lasin. Þjáist nú samt bara af stífluðu nefi og krónískri þreytu. Kom heim af Idol kvöldi í gær að kolstífluðum eldhúsvaski. Fullur af svartri drullu. Hellti Mr. Mucle í hann en það virkar ekki. Ætla að leita að baneitruðum stíflueyði sem heitir One-shot og var til í gamla daga. Ef það virkar ekki þá þarf ég að hringja út pípara. Langar samt ekki til að eyða helginni í lagnavanda, truth be told. Sá að Menntaráð hélt sinn fyrsta fund í gær. Búið að spyrða grunnskólann fastan við leikskólann. Það er auðvitað alveg óvart og hefur ekkert með launamál kennara að gera. Nei, auðvitað ekki. Ég er fæðingarhálfviti sem fæddist í gær. Bergþóra Valsdóttir er enn þá framkvæmdastjóri SAMFOK og situr sem áheyrnarfulltrúi í Menntaráði. Ef einhver man ekki hver Bergþóra Valsdóttir er þá var það hún sem drullaði yfir alla kennara í Fréttablaðinu nýverið með því að kennarar hefðu ruslað til að og ættu
Gamlar vísur Vildi ég til þín veginn finna - vorið fór á burt með þér - Þú ert mér fjarri einhversstaðar einhversstaðar fjarri mér. Þótt ég leiti heiminn hálfan hvergi ber þig fyrir mig. Leggi ég bara augun aftur engan sé ég nema þig. Halldóra B. Björnsson 1968
Bara vera með. You Have A Type B+ Personality B+ You're a pro at going with the flow You love to kick back and take in everything life has to offer A total joy to be around, people crave your stability. While you're totally laid back, you can have bouts of hyperactivity. Get into a project you love, and you won't stop until it's done You're passionate - just selective about your passions Do You Have a Type A Personality?
Meðan húsbóndinn var að tala kom fólkið inn til að þiggja blessun Skálholtsbiskups, frænkan, hin hnýtta, með berar kjúkurnar, systirin, hin sára, með burtétið andlitið, þær voru ekki rónni fyren þær höfðu tranað sér uppí fasið á gestunum, augliti til auglitis við frakt heimsins. Örkumlamenn, og fáir einsog líkþráir, hyllast til að ota fram kaunum sínum, sérstaklega við þá sem einhvers mega sín, oft með ögrunarstolti sem afvopnar jafnvel hinn fræknasta mann og gerir hinn fríðasta hlægilegan í augum sjálfs sín: Sjá þetta hefur drottinn af náð sinni veitt mér, hér er mín verðskuldun fyrir drotni, segja þessar mannsmyndir og spyrja um leið: Hver er þín verðskuldun, hvers virti drottinn þig? Eða jafnvel: Drottinn hefur slegið mig þessum kaunum fyrir þig. Meistari Halldór Kiljan Laxness, Íslandsklukkan bls. 28.
,,Kallið mig bara fröken PBS" sagði míns á fundi í dag þar sem ég lofaði PBS (positive behavioural support) kerfið okkar í hástert. Samstarfsfólk mitt er alveg bit á jákvæðninni og sumir spyrja hvað mér hafi verið gefið á Kleppi í sumar. Sumir spyrja reyndar af hverju mér hafi verið hleypt út aftur. Skil nú ekki alveg hvað það á að fyrirstilla. I am the beacon of mental health! Það er auðvitað mjög einföld skýring á gleði minni. Ég nýt þeirra forréttinda að vera í skemmtilegasta starfi í heimi, í góðum skóla sem er að gera góða hluti. Ég hef alveg tröllatrú á PBS kerfinu. (Ingunnar skóli er líka að vinna með þetta.) Þetta hljómar ferlega amerískt og kannski hálf klisjukennt en staðreyndin er sú að eftir að ég fór að smella þá fór ég að leita eftir því jákvæða. Og þegar maður er innstilltur á að finna það jákvæða þá sér maður þetta 99% sem er í góðu lagi en ekki bara þetta 1% sem hefur tilhneigingu til að taka alla athyglina. Það er miklu betra sjónarhorn.
Er Whitney Houston þema í Idolinu næsta föstudag? Mér heyrist það á öllu svona ,,handan við vegginn." Ég er að reyna að vera afskaplega skilningsrík gagnvart hinni rísandi stjörnu (enda stelpa) en fékk samt nóg rúmlega eitt síðustu nótt þegar loop-ið var búið að vera á í þrjá tíma samfellt og barði í vegginn. Það hefur verið máttvana bank því ekkert breyttist. Ég má ekki við því að missa nætursvefninn ef barátta mín fyrir yfirtöku kvenna í heiminum á að halda dampi. Maður nær ekki að brjóta niður marga stráka yfir daginn ef þreytan nær yfirhöndinni. Þar sem ég hef augljóslega fengið rangar upplýsingar um skólaeinkunn þá breytti ég væginu í excelnum hjá mér og bætti við nýjum fítus. Það er dálítið mismunandi hvernig þetta er. Yfirleitt eru kannski 3 skyndipróf sem hvert gildir 20, ein ritgerð 20%, sögugreiningar 10% og svo ástundun 10%. En núna er kominn nýr þáttur sem heitir Blóm og blúndur og gildir 60%. Ég er samt að velta því fyrir mér hvort það sé ekki of lítið. Breyti því