Múttan mín á afmæli í dag. Hún hefur greinilega verið mjög óþekk því það er leiðindaveður:) Foreldrar mínir giftu sig líka á þessum degi og við systurnar vorum allar skírðar þennan dag. Þannig að þetta er fjölskyldudagur mikill. Faðir minn er reyndar látinn og systur mínar í útlöndum svo hátíðahöldin verða ekki mjög mikilfengleg. Ég ætla nú samt að reyna finna einhverja rosalega hnallþóru einhvers staðar og fara í kaffi til mútter.

Þessi ljóta, ömurlega skítastofnun Skatturinn er að ljúga því upp á mig að ég skuldi þeim peninga! Er ekki allt í lagi með ykkur! Ég og haglarinn erum sko á leiðinni.

Á minni daglegu heilsubótargöngu gekk ég fram litla sæta kisu sem sat við gangstéttina. Þegar ég leit betur á hana sá ég að hún var með hvorki meira né minna en 3 kúabjöllur um hálsinn svo sakleysislega kisan er grimmur morðingi inn við beinið. Mér þótti náttúrulega gott að eigendurnir væru svona umhyggjusamir gagnvart litlu bíbbunum þar til ég kom heim og sá að einhver fuglskratti hafði fengið megaskitu beint á bílinn minn! Stórar, hvítar drulluklessur út um allt!

Æ, lífið er mér ekki gott núna.

Ég varð innlyksa hjá múttu og köttunum um helgina sem var svo sem ósköp ljúft. Það er voða notalegt að kúra með kisu. Nema náttúrulega þegar maður vaknar um morguninn með andnauð af því að maður er með kattaofnæmi eins og ég. Það er ekki alveg jafn notalegt. Ég held ég hafi over-dosað af ofnæmislyfjum. Ég veit ég tók eina klukkan sex í morgun þegar ég vaknaði í andþrengslunum en ég hreinlega man ekki hvort ég tók aðra þegar ég vaknaði svo seinna um morguninn. Hef svo sem ekki fundið fyrir neinum hjartsláttatruflunum.