laugardagur, janúar 15, 2005

Ég var alveg sannfærð um að ég væri þroskaðri en þetta.





You Are 25 Years Old



25





Under 12: You are a kid at heart. You still have an optimistic life view - and you look at the world with awe.

13-19: You are a teenager at heart. You question authority and are still trying to find your place in this world.

20-29: You are a twentysomething at heart. You feel excited about what's to come... love, work, and new experiences.

30-39: You are a thirtysomething at heart. You've had a taste of success and true love, but you want more!

40+: You are a mature adult. You've been through most of the ups and downs of life already. Now you get to sit back and relax.


fimmtudagur, janúar 13, 2005

Þar sannaðist hið fornkveðna: Bara að kvarta og kveina þá kemur það. Myndirnar voru komnar á réttan stað og ég hefði sennilega getað látið það ógert að búa til nýja myndasíðu. Það er allt í lagi.

Er enn þá í vinnunni ef einhver hefur áhuga á því. Þarf að fara á tónleikagæslu í Miðbergi á eftir svo það tekur því ekki að fara heim. Ég er frekar ósátt við að þurfa að félagsstarfast í öðrum húsum en skólanum satt best að segja. En ég vinn víst hjá ÍTR á ÍTR taxta.

miðvikudagur, janúar 12, 2005

Ég hef verið að reyna að koma myndum af síldarplaninu til skila í gegnum tölvupóst en það er bara ekki alveg að ganga. Svo ég bjó til nýja myndasíðu. (Flick er miklu betri og skemmtilegri, ég er bara næstum búin með upload kvóta mánaðarins.)

,,Hann hefur bara ekki áhuga. Annars myndi hann koma," sagði Oprah í þættinum um He's just not that into you. Mikið rétt, það er ekkert flóknara en það.
Ég skil ekki lógíkina á bak við það að nauðsynlegt sé að skera niður fé til þeirra sjúkrastofnana sem fyrir eru en það sé eðlilegt og sjálfsagt að byggja nýtt hátæknisjúkrahús. Er þetta raunveruleg hagfræði en bara yfirvarp til að geta selt vinum og vandamönnum ríkiseignir á hagstæðu verði?

þriðjudagur, janúar 11, 2005

Það er stríðsástand í Kattheimum. Snotra (the vic) hyggur á hefndir og Kolfinna (the perp) ætlar að klára dæmið. Maður er að grípa þær í felum og fyrirsátum hist og her og svo er hvæs og fótskriður. Jósefína fór í aðgerð um daginn og er fornemuð með skerm og tekur ekki þátt í þessu. Dúlli er almennt og yfirleitt á taugum en reynir stundum að ráðast á aðra hvora. Mútta hefur ákveðið að Kolfinna sé ógurlegt fórnarlamb og það sé Snotra sem sé að leggja hana í einelti. Svo segir hún að Snotra sé feit og þung! Ég er bara sármóðguð út af þessum blammeringum. Kolfinna er að búttast eftir að hún var tekin úr sambandi svo ég kalla hana bara Kollu bollu í staðinn. Og hana nú! Mér finnst Snotra bara vera í fullum rétti eftir að hún varð fyrir þessari svívirðulegu árás þar sem hún svaf í sakleysi sínu.
Fræðslumiðstöð fundar nú með kennararáðum vítt og breitt um borgina vegna nýrrar starfsáætlunar sem fulltrúum kennararáða er gert að kynna sér fyrir fundi. Fundurinn var á milli þrjú og fimm en eins og alþjóð veit þá vinna kennarar ekki lengur en til fjögur og vinnutímarammi sumra er jafnvel styttri þennan daginn. Ég átti t.d. að vinna til þrjú í gær en sat á skyldufræðslufundi til 16:10. Ætlaði mér þ.a.l. vegna ,,sveigjanleikans" að fara klukkan þrjú í dag en gat ekki vegna þessa fundar. Í lok fundarins var spurt hvernig við fengjum greitt fyrir tímann. ,,Þau laun sem þið þiggið fyrir að vera í kennararáði dekka þetta." ,,Nei, reyndar ekki" svarar spyrjandi ,,það er ekki greitt fyrir það að vera í kennararáði. Svo eigum vð að senda reikning til Fræðslumiðstöðvar?" ,,Hvaða rugl er þetta? Þið eruð hér af fúsum og frjálsum vilja." Dálítið dæmigert þegar kemur að tíma og vinnu kennara.

mánudagur, janúar 10, 2005

Voðalega finnst mér misráðið í hlutverk í Sjónvarps-Njálu. Hilmir Snær passar engan veginn sem Gunnar á Hlíðarenda. Sætur og myndarlegur strákur en of fíngerður einhvern veginn. Mér fannst alveg fáránlegt að sjá í þennan granna háls undan hjálminum. Ekki er Margrét Vilhjáms betri sem Hallgerður, jedúddamía. Og Skarphéðinn njálsson ein helsta hetja Íslendingasagnanna. Neeii!! Það hljóta líka að vera til einhverjir fleiri leikarar í landinu en þessar eilífðar sömu alltaf hreint. Otkell og Skammkell voru samt góðir.

sunnudagur, janúar 09, 2005

Er í miklu ferðalagi með Fróða og Sóma og þeim félögum öllum. Kvenpersónur frekar fyrirferðarlitlar í myndunum en... það verður bara að hafa það og muna hvenær bókin er skrifuð. Mér finnst samt fáránlegt í orustunni um Hjálmsdýpi að smástrákar séu settir undir vopn en ungum konum smalað niður í kjallara og kvartað svo undan fámenni. Ég þoli ekki heldur Arwen. Ég vil að Jóvin fái Aragorn.

I just love my new TV!