Ég er búin að vera í ofnæmiskasti undanfarna daga svo það er loksins að hvarfla að mér að kannski sé ég lasin. Þjáist nú samt bara af stífluðu nefi og krónískri þreytu.
Kom heim af Idol kvöldi í gær að kolstífluðum eldhúsvaski. Fullur af svartri drullu. Hellti Mr. Mucle í hann en það virkar ekki. Ætla að leita að baneitruðum stíflueyði sem heitir One-shot og var til í gamla daga. Ef það virkar ekki þá þarf ég að hringja út pípara. Langar samt ekki til að eyða helginni í lagnavanda, truth be told.

Sá að Menntaráð hélt sinn fyrsta fund í gær. Búið að spyrða grunnskólann fastan við leikskólann. Það er auðvitað alveg óvart og hefur ekkert með launamál kennara að gera. Nei, auðvitað ekki. Ég er fæðingarhálfviti sem fæddist í gær.
Bergþóra Valsdóttir er enn þá framkvæmdastjóri SAMFOK og situr sem áheyrnarfulltrúi í Menntaráði. Ef einhver man ekki hver Bergþóra Valsdóttir er þá var það hún sem drullaði yfir alla kennara í Fréttablaðinu nýverið með því að kennarar hefðu ruslað til að og ættu að þrífa eftir sig. Alltaf svo gaman að það sé algjörlega einum að kenna þegar tveir deila. Sérstaklega þegar það var samþykktur samningur sem var nánast samhljóða tilboði sem kennarar lögðu fram í apríl eða maí. Segið mér endilega aftur hverjum tveggja mánaða verkfall var að kenna. But then again, sleppið því. Nenni ekki að sitja undir frekari skít vegna starfs míns.
Kennarafélagið ætlaði að mótmæla þessum orðum hennar. Mér þætti gaman að vita hvernig það var gert því ég hef ekkert heyrt um það. Var sent prívatbréf sem í stóð: Skammastu þín, ef þú vildir vera svo væn." ? Ég er að verða illa þreytt á því hvernig kennarastéttin lætur traðka endalaust á sér. Þessi manneskja á bara að hætta sem framkvæmdastjóri SAMFOK. Það er ekkert flóknara en það.