Tæknifrúin: Rauð augu.

Það er nokkuð algengur misskilningur að ég kunni ýmislegt fyrir mér þegar kemur að tæknimálum. Það er ekki alls kostar rétt, það eina sem ég raunverulega kann er að leita á www.google.is. Galdurinn er mjög einfaldur; slá bara inn hinar heimskulegustu spurningar á google en þær verða að vera á ensku. Þá er nokkuð bókað að lausnin birtist eða alla vega fyrsta skrefið að lausninni.

En þar sem marga af minni kynslóð (00 kynslóðin) óar eitthvað við tækninni þá datt mér si sona í hug að deila einhverju af kunnáttunni. Til þess er kunnátta, ekki til að lúra á henni.

Ég ætla að byrja á rauðum augum á myndum, aðallega vegna þess hversu auðvelt er að laga þau.
Þegar við tökum mynd á stafræna myndavél eða síma þá annað hvort hleðst myndin inn á ský eða við hlöðum henni inn. Hvort heldur sem er þá opnar tölvan hana (yfirleitt) í einhverju forriti. Oftast fylgir ákveðið myndaforrit tölvunni.
Einu sinni átti ég makka (imac) sem innihélt myndaforritið iphoto. Ef ég man rétt þá blasti takkinn Fix red eye beint við þegar forritið var opnað. Það var eins auðvelt og það gat verið. Velja fix red eye, þá varð bendillinn að hring, misstórum sem maður setti utan um rauða augað og smellti. Voila. Það hlýtur að vera orðið enn auðveldara ef eitthvað er á nýju mökkunum. En til öryggis þá beiti ég töfrabragðinu og pikka inn á google iphoto red eyes. Hérna er t.d. ágætis útskýring.

Undanfarin ár hef ég notast við ódýra pc tölvu (skæruliðar á heimilinu) sem virkar ljómandi.  Í minni tölvu er myndaforritið Photo Gallery sem ég held að sé staðalbúnaður, alla vega með Windows 10 sem flestum pc eigendum bauðst að hlaða niður sér að kostnaðarlausu.
Þar opnar maður myndina (hægrismellir og velur Open with og svo Photo Gallery ef það gerist ekki sjálfkrafa). Þá opnast fyrst albúmið og allar myndirnar þumlar, maður smellir á tiltekna mynd sem stækkar og þá birtist þessi borði efst:



Smellið á rauða augað, setjið bendilinn sem er núna orðinn að krossi í rauða augað og smellið. Þá ætti þetta að vera komið en stundum ef myndin er stórkornótt eins og við sögðum í gamla daga (ég er slæm af elli í dag) þá getur þetta orðið smá handavinna en aldrei mikil.

Ef fólk vill þá er líka fullt af forritum á netinu sem hægt er að nota eins og t.d. þetta.

Núna ætlast ég til að þið hættið að pósta myndum af rauðeygðu fólki!



Ummæli

Skrifa ummæli

Vinsælar færslur af þessu bloggi

Krossinn sem ég ber

Mynd
  Það er ungur maður á facebook sem hefur gaman að því að tilkynna hvaða dagur er. Það er bara fínt, þetta er falleg sál og ég læka þetta yfirleitt hjá honum . Hins vegar fékk ég sting í hjartað í dag . Á þessum degi fyrir sextán árum síðan lá ég inni á spítala og h a fði þegar verið í þrjá d aga. Það var verið að reyna að framkalla fæðingu litlu stúlkunnar minnar sem ég var gengin með 24 vikur en í sónar þremur dögum áður kom í ljós að það var enginn hjartsláttur. Stúlkan var dáin. Það átti eftir að taka tvo daga í viðbót að n á að framkalla fæðinguna. Í fimm daga gekk ég vitandi með dána barnið mitt. Hún var auðvitað búin að vera dáin lengur, ég bað um skoðun því ég hætti að finna hreyfingar. Ég veit að einstaklingur sem hefur aldrei gengið með barn, hvað þá fætt, getur skilið þetta. Að finna barnið hreyfa sig og sparka og svo hættir það. Að fæða barn og það er dauðaþögn.   Við foreldrarnir vorum niðurbrotnir. Ég dró mig í hlé og grét. Pabbinn var reiður út í heiminn. Ég gat ekk
Read more »
Mynd
Látið ekki sakleysislegt útlitið blekkja! Já, við fyrstu sýn virðist þetta ósköp eðlilegur köttur. En hún er það ekki! Ég var hringd út um tvöleytið í dag því að þessi vargur, þessi glæpaköttur hafði ráðist á litlu, sætu kisustelpuna mína þar sem hún svaf í sakleysi sínu. Þær voru í fangbrögðum þegar litla systir sleit þær í sundur! Og litla, sæta kisustelpan mín var öll útklóruð með, ég er gjörsamlega miður mín, bitsár á bringunni. Svo það var brunað upp á Dýraspítala þar sem hún var sprautuð með pensilínsprautu. Það er ekki nóg með að verða fyrir svona svívirðulegu launsátri heldur þurfti hún að fara í bíl! Og fá sprautu! Á meðan skraðræðisgripurinn var heima og hrósaði sigri og þóttist aldeilis hafa tekist að hrekja keppinautinn að heiman. Þegar við komum aftur heim og Snotra litla, fórnarlambið, faldi sig uppi í glugga og rétt gjóaði einu auga í genum rifu til að fylgjast með ofbeldisseggnum, þá lá Kolfinna í leyni fyrir Dúlla. Ég ætlaði að taka hana upp og ræða þessa hegðun
Read more »

Vandamál og lausnir

Mynd
  Ég hef reynt að nálgast lífið á þann hátt að það séu engin vandamál heldur bara lausnir. Gengur vissulega ekki alltaf en ég reyni. Ég hef líka tekið eftir þv í að til er fólk sem finnur vandamál við öllum lausnum. Nýverið birtist færsla í opnum og fjölmennum hópi á facebook þess efnis að fullorðinn einstaklingur sem er klaufi í ensku gat ekki gert sig skiljanlegan á sölustað og fékk ekkert að borða. Þurfti því að fara svangur á braut. Uppleggið var spurningin hvort það væri til of mikils mælst að afgreiðslufólk á Íslandi talaði íslensku.   Þegar ég las innleggið fannst mér vandamálið vera að viðkomandi fékk ekki að borða (grundvallarþörf) á ferðum sínum um landið og benti á að til væru alls konar þýðingaröpp fyrir snjallsíma. Þetta innlegg mitt uppskar hláturkall frá upphafspóstanda svo það var greinilega ekki aðalvandinn, vandamál ið var að afgreiðslufólk talaði ekki íslensku.   Nú hefur það verið rætt ítarlega að starfsfólk á hinum ýmsu stöðum tali ekki íslensku og það sé ekki
Read more »