fimmtudagur, desember 15, 2005

Í sérkennslunni legg ég fyrir alls konar próf. En þegar það kemur að almennri bekkjarkennslu stend ég staðfastlega í þeirri meiningu að ég eigi ekki að semja fleiri en eitt. Af því að ég fæ ekki borgað fyrir fleiri. Ég stend í þessari meiningu af því að mér var sagt þetta af mér reyndara fólki. Veit einhver kennaramenntaður hvort þetta sé rangt?

4 ummæli:

  1. ó mín kæra!
    Ég held að í þessu sé ekkert rétt eða rangt. Á maður yfirhöfuð að gera próf? Ætti maður þá ekki að gera sérstakt próf fyrir hvern einstakling af því að maður á að koma til móts við hvern og einn? Hvernig á sama prófið að ganga yfir alla ef þeir eru í einstaklingsmiðuðu námi? Fyrir nú utan bara allt sem kennarar eiga að gera, sem stendur ekki í starfslýsingu. Hvað stendur um próf í henni?

    SvaraEyða
  2. Þessi umræða kom nefnilega upp einu sinni út af einstaklingmiðuðu námi. Í þeim umræðum voru allir sannfærðir um þá túlkun samninga að við fengjum bara borgað fyrir eitt próf. Auk þess hélt ég að einstaklingsmiðaða námið væri mismunandi leiðir að sama takmarki. Að endingu ættu allir að læra það sama. Eða það sem tiolgreint er í Aðalnámsskrá.
    Best að ég skjóti því inn í að Gerður fræðslustýra sagði á fundi með kennararáðum í Breiðholti í fyrra að einstaklingmiðað nám gengi ekki upp í bekkjarkerfi. Að því hafa flestallir kennarar komist að.

    SvaraEyða
  3. Þú færð borgaða 21 mínútu í undirbúning og úrvinnslu hvers tíma. Þú ræður því svo algerlega sjálf hvernig þú notar þessa 21 mínútu. Gerð prófa og yfirferð á þeim á að rúmast innan þessa tíma nema skólinn gefi aukalega tíma á starfsdögum. Skólinn sjálfur getur svo haft einhverja ákveðna stefnu varðandi próf og námsmat. Flestir skólar hafa miðsvetrar- og vorpróf í eldri bekkjum en láta kennurum eftir form námsmats þess á milli. Hið rétta er þá að þú færð borgaðar 21 mínútu á tíma, þ.m.t. í námsmat, sem þú ræður algerlega sjálf eða í samvinnu við skólastjóra hvernig þú nýtir. Einstaklingsmiðað nám og skóli án aðgreiningar gengur ekki upp saman. Sjálfur er ég hlynntur einstaklingsmiðuðu námi og markmiðuðum skólum, þ.e. að hver nemandi fari í skóla sem er miðaður að honum og hans þörfum og stundi þar einstaklingsmiðað nám.

    SvaraEyða
  4. Ég er sem sagt að tala um annarpróf og það er í sambandi við þau sem fyrri viðmælendur mínir voru alveg með það á tæru að maður fengi bara borgað fyrir eitt próf. En skv. því sem þú segir þá er þetta misjafnt eftir skólum. Allt í lagi, ég beygi mig undir það. Best að taka það fram að ég útfæri könnunarprófin á ýmsa vegu og læt fólk ekki taka þau sömu.
    Ég er líka hlynnt einstaklingsmiðuðu námi en tuttugufalt námsefni, tuttuguföld kennsla og tuttugu próf á einföldu kaupi. Held ég afþakki það. En ef bekkjarkerfið verður brotið upp þá erum við að tala um allt aðra hluti.

    SvaraEyða