Í sérkennslunni legg ég fyrir alls konar próf. En þegar það kemur að almennri bekkjarkennslu stend ég staðfastlega í þeirri meiningu að ég eigi ekki að semja fleiri en eitt. Af því að ég fæ ekki borgað fyrir fleiri. Ég stend í þessari meiningu af því að mér var sagt þetta af mér reyndara fólki. Veit einhver kennaramenntaður hvort þetta sé rangt?
Látið ekki sakleysislegt útlitið blekkja!
Já, við fyrstu sýn virðist þetta ósköp eðlilegur köttur. En hún er það ekki!
Ég var hringd út um tvöleytið í dag því að þessi vargur, þessi glæpaköttur hafði ráðist á litlu, sætu kisustelpuna mína þar sem hún svaf í sakleysi sínu. Þær voru í fangbrögðum þegar litla systir sleit þær í sundur! Og litla, sæta kisustelpan mín var öll útklóruð með, ég er gjörsamlega miður mín, bitsár á bringunni. Svo það var brunað upp á Dýraspítala þar sem hún var sprautuð með pensilínsprautu. Það er ekki nóg með að verða fyrir svona svívirðulegu launsátri heldur þurfti hún að fara í bíl! Og fá sprautu! Á meðan skraðræðisgripurinn var heima og hrósaði sigri og þóttist aldeilis hafa tekist að hrekja keppinautinn að heiman.
Þegar við komum aftur heim og Snotra litla, fórnarlambið, faldi sig uppi í glugga og rétt gjóaði einu auga í genum rifu til að fylgjast með ofbeldisseggnum, þá lá Kolfinna í leyni fyrir Dúlla. Ég ætlaði að taka hana upp og ræða þessa hegðun
ó mín kæra!
SvaraEyðaÉg held að í þessu sé ekkert rétt eða rangt. Á maður yfirhöfuð að gera próf? Ætti maður þá ekki að gera sérstakt próf fyrir hvern einstakling af því að maður á að koma til móts við hvern og einn? Hvernig á sama prófið að ganga yfir alla ef þeir eru í einstaklingsmiðuðu námi? Fyrir nú utan bara allt sem kennarar eiga að gera, sem stendur ekki í starfslýsingu. Hvað stendur um próf í henni?
Þessi umræða kom nefnilega upp einu sinni út af einstaklingmiðuðu námi. Í þeim umræðum voru allir sannfærðir um þá túlkun samninga að við fengjum bara borgað fyrir eitt próf. Auk þess hélt ég að einstaklingsmiðaða námið væri mismunandi leiðir að sama takmarki. Að endingu ættu allir að læra það sama. Eða það sem tiolgreint er í Aðalnámsskrá.
SvaraEyðaBest að ég skjóti því inn í að Gerður fræðslustýra sagði á fundi með kennararáðum í Breiðholti í fyrra að einstaklingmiðað nám gengi ekki upp í bekkjarkerfi. Að því hafa flestallir kennarar komist að.
Ég er sem sagt að tala um annarpróf og það er í sambandi við þau sem fyrri viðmælendur mínir voru alveg með það á tæru að maður fengi bara borgað fyrir eitt próf. En skv. því sem þú segir þá er þetta misjafnt eftir skólum. Allt í lagi, ég beygi mig undir það. Best að taka það fram að ég útfæri könnunarprófin á ýmsa vegu og læt fólk ekki taka þau sömu.
SvaraEyðaÉg er líka hlynnt einstaklingsmiðuðu námi en tuttugufalt námsefni, tuttuguföld kennsla og tuttugu próf á einföldu kaupi. Held ég afþakki það. En ef bekkjarkerfið verður brotið upp þá erum við að tala um allt aðra hluti.