Jæja, best að koma sér í háttinn. Fríið búið og vinnan bíður. Mér tókst ekki að gera það sem ég ætlaði að gera, þrífa íbúðina. Ég held að ég þurfi að gera svona ,,hreingerningu" eins og mamma gerði í gamla daga. Man eftir einni slíkri á Kleppsveginum. Man aðallega eftir því að amma Didda hékk hálf út um gluggann á þriðju hæð að þrífa gluggana. Jemundur. Ég ætla ekki að hanga utan á gluggunum hérna en er að hugsa um að þrífa veggi og inni í skápum og svoleiðis. Mér tókst samt aðeins að taka til. En það var ekki mikið. Nei, það má ekki ofreyna sig.