Fór í Kolaportið og tókst vissulega að eyða peningum. Á nú rosa flottan bol með Janis Joplin sem og fleirum. Ég hef ekki farið í Kolaportið síðan Guð má vita hvenær og fannst bara gaman. Fann samt ekki Rain Man þótt ég hafi leitað.
Ég er að reyna að taka eitthvað til í íbúðinni minni og þvo þvott en húsverk hafa aldrei verið í miklu uppáhaldi hjá mér. Undanfarið hef ég unnið talsvert, verið með aukatíma um helgar og á frídögum og það er bara ósköp einfaldlega farið að slá í mig. Hvítu hárin mín eru m.a.s. að verða sýnileg. Ég var búin að lofa sjálfri mér að klippa mig stutt þegar þetta yrði áberandi en er eitthvað beggja blands núna. Er hvítt, sítt hár ekki bara kúl? Svo get ég sett það í fléttu og fengið mér peysuföt. Oh, mig langar í peysuföt!