Yfirleitt eyði ég helgunum í leti en nú hef ég bara verið nokkuð virk undanfarnar helgar. Ætli það sé ekki bara að koma vorhugur í mann? Fór með kortið mitt í Ikea í gær og straujaði það vel. Fékk svo systur mínar í útkall í dag til að setja húsgagnið saman. Ég var mjög dugleg að fylgjast með þeim, það verður ekki af mér skafið.

Veit ekki alveg hvað mér á að finnast um þetta áfengismál. Er samt frekar á því að það eigi að leyfa að selja í matvöruverslunum. Að vísu var ungi maðurinn í sjónvarpinu með ágætis rök á móti. Veit ekki alveg.

Gæti ekki verið meira sama um þennan formannsslag í Samfylkingunni.