Færslur

Sýnir færslur frá júlí 18, 2004
Var að bæta við grunnskólakennurunum sem Hrund benti mér á en tókst einhvern veginn að klúðra. Vona að það sé komið í lag núna. Það hefur dálítið truflandi áhrif að ég er í heimsókn hjá múttunni og kisan mín sem er þar í fóstri er eins og franskur rennilás á mér.
Ég hélt haus en hef verið að vinna upp svefnleysi og njóta veðurblíðunnar.
Úpsibúbbsi, þar urðu mér á nett mistök. Verð væntanlega afhausuð í fyrramálið.
Ja hér, Erlingur er strax byrjaður að pæla í næsta vetri , það er aldeilis dugnaður. Ég tók reyndar með mér fullt af bókum í fríið. Þær eru reyndar enn þá ofan í tösku en... Ég dró þær með mér á næturvaktirnaren einhverra hluta vegna voru þær alltaf í töskunni. Ég hef svo sem engar áhyggjur af þessu, það er enn rúmur mánuður til stefnu. Áður en krakkarnir mæta í skólann nota bene, kennararnir mæta auðvitað viku fyrr. Ég hef fundið slatta af framhaldsskólakennurum en mig vantar fleiri grunnskólakennara. Alltaf gott að hafa partners in crime ef maður skyldi nú vera kallaður á teppið... aftur.
Búin að vera örlítið duglegri í húsmóðurleiknum. Mig dreymir um að komast í Innlit-Útlit.
Mynd
Að öðrum og mikilvægari málum. Gvöð minn góður! Hvað hefur komið fyrir goðið!!! Í alvöru talað, maðurinn er ekki nema 41 árs. Þetta er alveg arfaslök ending. Held þetta sé gott dæmi um það hvernig daglegar hassreykingar árum saman fara með fólk. Svo var ég líka að sjá að það á að gefa Live Aid út á DVD 1. nóv. Get ekki beðið.
Það er mikið að maðurinn áttaði sig á þessu. Nei, þú getur ekki beitt fyrir þig löggjafarvaldinu í persónulegu stríði þínu við ákveðna einstaklinga úti í bæ. Alveg sama þótt þú sért forsætisráðherra og sért búinn að vera það lengst allra. Það skiptir engu máli.
Hver skapaði sýkla!!!! Ég bara verð að fá að vita þetta núna!! Núna strax!!! Eða Helgi verður að fá sér nýtt spjald. Hann er búinn að vera með sama spjaldið í heil lengi og ég er gjörsamlega komin með þetta á heilann. Það er byrjað að braka í bakinu á mér þegar ég geng upp stiga. Er það normalt? Ég er ekki viss.
Búin að taka tilskilin skammt af Baldrian-B náttúrusvefnlyfi og er að sötra Sleapy-time te. Þá er bara að vona að ég sofni. Nágranni minn sat fyrir mér áðan, sá mig koma á eðalvagninum. Ástæðan var hvort mætti færa barnarúmið sem var troðið inn á mig hér um árið til að örva eggjastokkana. ,,Rúmið sem bíður" sagði hún og svo hlógum við báðar. Svo kommenteraði hún á hvað kerran væri flott og að hún væri í ,,ástarlitunum" og allt. Þá fattaði ég fyrst að ég hafði ekkert reynt að veiða á vagninn og þarf auðvitað að reyna það við tækifæri. Hitt er annað mál að karl faðir minn var alveg sannfærður um að ég myndi mokveiða á Plymouth-inn hér um árið þegar ég var nú bæði yngri og léttari en það gekk ekki eftir. Ég dálítið hissa á því, plimminn var alveg þrusukerra. Ætli að það geti verið ég.....????
Nú ætla ég aldeilis að taka á þessu svefnrugli. Skipti engu máli klukkan hvað ég sofnaði í nótt ég myndi vakna klukkan 10 í morgun. Stillti allar klukkur hússins og vaknaði á tilsettum tíma. Lagaði kaffi, fékk mér að borða, kveikti á sjónvarpinu og sofnaði í sófanum. Duh..