Hringdi í Stöð 2 í gær. Stöð 2 næst í Aðaldalnum og Sýn en ég hef vissulega ekki áhuga á Sýn. Bíóstöðin næst ekki, Stöð 2+ næst ekki og auðvitað engar gervihnattastöðvar. Það nást sennilega örfáar útvarpsstöðvar. Great. Kosturinn er auðvitað sá að ég get einbeitt mér að eiginmannsleitinni.
Færslur
Sýnir færslur frá júlí 31, 2005
- Fá tengil
- Tölvupóstur
- Önnur forrit
Símafyrirtækið hafði vit fyrir mér og tók af mér síma- og nettenginguna. Það er verið að flytja þetta yfir í Aðaldalinn. Nema nettenginguna, það er ekki ADSL samband í Dalnum frekar en Skjár 1. Ég veit ekki í hvaða frumstæðu óbyggðir ég er að flytja. Ætli að ég verði ekki að vera með innhringisamband. Það er soo the turn of the century.
- Fá tengil
- Tölvupóstur
- Önnur forrit
,,NEVER LOSE SIGHT OF THE GOAL!" Stóra systir er að hjálpa mér að pakka. Hún er mjög týpískur frumburður, rösk og dugleg, svo í rauninni er hún að pakka og ég að bora í nefið. Síðastliðnir tveir dagar hafa farið í það að pakka bókum. Það eru 17 kassar af bókum frammi á gangi núna og sex niðri í kompu sem ég ætla að skilja eftir. Að vísu er ekki alveg búið að pakka öllum bókunum en eftirhreyturnar ná ekki nema í einn eða tvo kassa. Stóru systur finnst ég eiga dálítð mikið af bókum. Ég er ekki sammála því. En skv. feng shui þá koma bækurnar mínar og uppröðunin á þeim í veg fyrir að ég gangi út. A-ha. Ég raða ekki nógu sambandsmiðað í íbúðina. Ég er með tvíbreitt rúm en hinn helmingurinn er yfirleitt undirlagður af bókum. Og ekki nóg með það: Heldur er ég með bókaskáp inni í svefnherbergi sem er í sambandshorninu . Ef ég hef skilið þetta rétt þá þýðir þetta að the important other in my life eru bækur. Ókey. Stóra systir: Þú mátt ekki setja bókaskáp í sambandshornið fyrir norðan.
- Fá tengil
- Tölvupóstur
- Önnur forrit
Fór alveg sérstaklega í heimsó´kn til að sækja mjólkina en tókst auðvitað að gleyma henni. Það verður fúlt á morgun þegar ég vakna kaffiþyrst. Hins vegar mundi ég eftir að taka með kortið sem börnin mín gáfu mér í vor í útskriftinni. Þau gáfu mér sem sagt þetta skemmtilega kort og þökkuðu kærlega fyrir allar Klepps- og kattarsögurnar sem ég hafði sagt þeim í gegnum árin. Og svo náttúrulega smá kennslu líka. Þetta var yndislegasti bekkur ever!
- Fá tengil
- Tölvupóstur
- Önnur forrit
Ég er í nettu ofnæmiskasti og neyðist samt til að fara í heimsókn til kattanna þar sem ég gleymdi mjólkinni þar í gær. Svart kaffi er bara ekki málið. Ég gæti kannski keypt aðra mjólk, segi það ekki. Ég tók eftir því í gærkvöldi þegar ég var að tölta heim í gær, siðprúð og stillt frá móður minni, að það var talsvert partýstand í gangi. Það voru augljóslega nokkur partý í gangi í hverfinu svo þetta kemur mér ekki á´óvart. Ég var einmitt að spá í það á heimleiðinni í gær að ég hefði bara alveg klikkað á að kanna partýmarkaðinn og hvarflaði að mér eitt andartak að bæta úr. En ég hætti við jafnsnögglega og mér datt það í hug. En ég veit að Tóta pönk var í bænum í gær.