ALL THE WAY
 Writer(s): cahn/van heusen

When somebody loves you
It’s no good unless he loves you - all the way
Happy to be near you
When you need someone to cheer you - all the way

Taller than the tallest tree is
That’s how it’s got to feel
Deeper than the deep blue see is
That’s how deep it goes - if it’s real

When somebody needs you
It’s no good unless he needs you - all the way
Through the good or lean years
And for all the in between years - come what may

Who know where the road will lead us
Only a fool would say
But if you’ll let me love you
It’s for sure I’m gonna love you - all the way, all the way

Sólbað aftur. Er definetly að taka lit. Ekki enn byrjuð að pakka! ,,Spákonan" er búin að segja mér hvernig bóndinn minn sem bíður eftir mér lítur út. Very nice:)

Eins undarlega og það kann að hljóma þá eyddi ég deginum í sólbaði. Ekkert að pakka neitt enda flyt ég ekki fyrr en eftir hálfan mánuð. Hva...

You scored as Severus Snape. Well you're a tricky one aren't you? Nobody quite has you figured out and you'd probably prefer it stayed that way. That said you are a formidable force by anyone's reckoning, but there is certainly more to you than a frosty exterior and a bitter temper. Severus Snape 75% Harry Potter 75% Albus Dumbledore 75% Hermione Granger 70% Sirius Black 70% Remus Lupin 70% Ron Weasley 55% Draco Malfoy 55% Ginny Weasley 50% Lord Voldemort 30% Your Harry Potter Alter Ego Is...? created with QuizFarm.com

Þótt ég hafi séð allar myndirnar þá´á ég eftir að lesa bækurnar. Mér finnst dálítið gaman að eiga þær inni.

Búin að skila inn síðustu virðisaukaskýrslunni vegna framkvæmdanna til Skattstjóra. Nú á ég bara eftir að tilkynna bankanum um nýjan gjaldkera í stóra húsfélaginu og þá get ég hætt að hugsa um þessi húsfélög. Loksins, loksins.
Fékk líka ágætis tilboð í búslóðaflutningana sem ég held ég taki.

Þetta er nú meira dásemdarveðrið enda bara útstáelsi á manni. Fór með litlu systur að skoða hross og aldrei þess vant var ekki rok á Kjalarnesinu. Svo fórum við upp í bústað og reyttum arfa. Voða gott fyrir sálina að vera svona í tengslum við náttúruna:)
Gerði merka uppgötvun í dag. Þegar viðgerðir stóðu yfir hér um árið þá borgaði hver stigagangur sinn hluta fyrst í byrjun. Í eitt skiptið var venjulegur þjónustufulltrúi í fríi og afleysingafulltrúinn borgaði allan reikninginn en ekki bara okkar hluta. Þess vegna fékk verktakinn alltof mikið borgað og það dekkaði næsta reikninginn. Svo að er ekki skrítið að ég finni ekki kvittunina fyrir þeim reikningi. Mér er svo létt við þessa uppgötvun að mér er eiginlega alveg sama þótt ég hafi eytt síðastliðnum fjórum dögum í að leita að þessari kvittun og sett bankann í það líka.

Fínasta afmælisveisla. Klassískt peruterta svíkur aldrei.
Var að sækja bílinn á verkstæðið eftir straujunina við staurinn. Góð lexía fyrir svona bessewissera-road rage ökumann eins og mig. Skrambi dýr samt:(
Fleiri kassar komnir í hús. Þá er hægt að byrja að pakka fyrir alvöru.

Fyrir 28 árum fæddist þessi skvísa

og þar með var ég allt í einu orðin stóra systir líka.
Ætla að birta þessa dásamlegu mynd líka sem var tekin uppi í Lækjarbotnum. Tekin á sama augnabliki og pabbi er að standa á haus úti á túni og litla systir er að skríða í gegnum girðinguna.

Ótrúleg, alveg.
Til hamingju með afmælið!

Fór í Apple búðina í dag og ætlaði að kaupa Office 2004 : Mac pakkann en hann var sem betur fer ekki til. Komst að því að þetta kostar rétt tæpar 20.000,- kr. og næg eru fjárútgjöldin samt! Keypti í staðinn imic sem er rosa sniðugt tengi sem ég set í tölvuna og tengi plötuspilarann við og ætti að geta yfirfært allar vinylplöturnar mínar á disk núna. Komst að vísu að því eftir að hafa barist við að losa hann í entertainment center (og slasað mig á þumlinum sem er enn aumur eftir bílflautuna) að plötuspilarinn er bilaður. Damn... Þarf að skella honum í viðgerð fyrir brottflutning.
Ætla ekki að ræða meira um konur íslam í bili. Er að lesa mér til um efnið á milli þess sem ég pakka og geng frá praktískum málum. Talandi um það þá fór ég í bankann í dag og bað um afrit af greiðslukvittun eða einhverja sönnun þess efnis að reikningurinn hefði verið greiddur. Mundi ekkert bankanúmer, engar kennitölur og engin aðgangsorð. Ég held í alvöru að litla systir sem var með mér hafi skammast sín fyrir mig:) Húsfélagsþjónustufulltrúinn var veikur og hann er vanur að finna þetta allt án vandkvæða. Ég skildi bara ekkert í því hvað þetta var erfitt.
Að síðustu vil ég óska frændum mínum til hamingju með daginn. Sjötugir?

Ákveðnir trúarhópar sem kenna sig við kristni fara fram á að kynin eigi ekki að líta eins út. Konur eigi að vera með sítt hár og helst að ganga í pilsi og whatever. Ég verð nú bara að segja það eins og er að ef fólk sér ekki þessi risa brjóst og rass í gegnum vinnuskyrtuna mína og gallabuxurnar þá er eitthvað hjá þeim í ólagi.

Ég ætla að viðurkenna það strax að ég veit ekki neitt. En ég bý í þessum heimi og hryðjuverk í Evrópu ógna mér. Þ.a.l. er ég á móti þeim. Ég er reyndar á móti stríði, ofbeldi, árásum og átökum almennt. Fólk á að geta gert út um deilur sínar á annan hátt.
Mér finnst Bandaríkin og Vesturveldin skipta sér alltof mikið af hlutum sem þeim koma ekki við. Ég skil t.d. ekki af hverju fv. Júgóslavía gat bara ekki fengið að útkljá sínar deilur svo að sigurvegari stæði uppi. Þannig hafa lönd og þjóðir alltaf orðið til. Ég held að afskiptin hafi orðið til þess eins að málin eru óútkljáð og stutt í illindi. Enda verið koma upp deilur hjá aðfluttum nemendum hér á landi. Það má vera að þessi skoðun sé í mótsögn við það að ég sé á móti stríði en ég held samt ekki. Ef mál eru kominn í þann farveg að ekki er hægt að útkljá þau öðruvísi þá sé best að hafa helv.. stríðið og klára það. Ekki láta þetta malla í ár og áratugi til þess eins að láta það enda í öðru stríði. Mannfallið verður meira.
Stofnun Ísraelsríkis er hið undarlegasta mál. Hvernig Könum og Tjöllum datt í hug að stofna bara eitt stykki ríki og ýta íbúunum í burtu er absurd. Reyndar dálítið klókt líka því á meðan hin forríku Arabaríki loga í innbyrðis deilum þá geta þau ekki ógnað okkur. Reyndar skil ég ekki af hverju Vesturlandabúar og Arabar geta ekki lifað í sátt og samlyndi er samt önnur saga. Ég skil það vel að Arabar vilji ráða yfir olíunni sinni og græða á henni. Mér er til efs að þeir geti stjórnað heiminum með því að loka á olíuflæðið. Við höfum reyndar bara mjög gott af því að minnka olíunotkunina.
Ég ætla að játa það hér og nú að mér er illa við Íslam. Af þeirri einföldu ástæðu að ég er kona. Íslam eru ekki kvenréttindatrúarbrögð. Trúarbrögð sem leyfa eiginmanni að ,,dangla" í konuna sína ef hún er ,,mjög óþekk" eru ekki jafnréttissinnuð. Þetta blæjumál er bara út í hött. En konur geta verið ánægðar með að þær ,,þurfa ekki" að vinna fyrir sér ef þær vilja það ekki. Ef eiginmaður er ekki til staðar þá ber næsta náskylda karlmanni að sjá fyrir viðkomandi konu. Þannig að konur mega vera börn ef þær vilja. Júbbíjei.
Ég veit ekki af hverju það var raðist á tvíburaturnana í New York. Ég skal alveg kyngja því að Kanar hafi átt þetta inni eftir afskipti sín og vestrænar þjóðir bera ábyrgð á dauðsföllum og þjáningum. Allt í lagi. Ég skil samt ekki af hverju saklaust fólk þurfti að gjalda fyrir það. En það er víst alltaf saklaust fólk sem þarf að líða.
Ég studdi innrásina í Afganistan. Aðallega vegna þess að mér fannst löngu orðið tímabært að Talibanar væru hraktir frá völdum. Þeir fóru illa með konur. Það mátti líka alveg hafa hendur í hári Osama Bin Laden.
Ég hvorki skildi né studdi innrásina í Írak. Innrásin í Írak afsakar samt ekki hryðjuverkin í London. Engan veginn. Það eru ákveðnar reglur í stríði. Írakar vissu að það átti að ráðast á þá. Þeir voru látnir vita. Fólkið í London hafði ekki hugmynd um að það væri stríð í gangi, frekar en fólkið í New York. Ég veit að saklaust fólk deyr unnvörpum í Írak en af hverju er það? Eru það ekki Írakar sjálfir sem eru að drepa fólkið sitt? Ég er ekki að segja að líf þessara saklausu Íraka sé minna virði en Vesturlandabúa en af hverju eiga Lundúnabúar að gjalda fyrir þetta?
Ég er ekki að segja að það eigi að ráðast á þessar þjóðir. Það hlýtur að vera hægt að leysa þennan vanda einhvern veginn öðruvísi. Ég trúi því og treysti að með tímanum verði jafnréttisþróun í Íslam og þá get ég lifað í sátt og samlyndi með Múslimum. En núna liggur samúð mín hjá Evrópu og Jesú.

Ég er komin með algjört ógeð á þessu pappírsfargani. Þetta verður samt að vera þokkalega sorterað áður en ég fleygi því í hausinn á nýju gjaldkerunum. Ég er samt alveg sannfærð um að þetta sé óþarfi og megi henda meirihlutanum af því. Ég á bara mjög erfitt með að henda.
Finn ekki skrambans kvittunina sem ég þarf til að fá virðisaukann endurgreiddan. Kannski getur bankinn hjálpað mér með það. Netbankinn getur það ekki. Shit!
Pása er dæmið.

Sköllóttir súkkulaðistrákar
Var að horfa á Once upon a time in Mexico mér til gleði og ánægju. Hef alltaf gaman af því þegar fullt af sætum og myndarlegum mönnum er safnað saman í eina mynd. Interview with the Vampire: The Vampire Chronicles slær nú samt allt út í þeim geira. Jemundur eini, sætleikinn sem lak af tjaldinu. Eina skiptið sem Tom Cruise hefur ekki purrað mig.
Banderas leikur líka í Once upon a time... en það er farið að slá svolítið í kallinn. Eldast illa þessir Spánverjar. Hins vegar voru Johnny Depp

og Enrique Iglesias

í myndinni. Johnny Depp er náttúrulega bara klassískt sjarmatröll og Enrique er alveg ofsalega sætur. Fyrst til að byrja með sá ég aldrei neitt nema þennan brúna blett í andlitinu á honum en svo þegar ég fór að gægjast á bak við blettinn þá kom þessi sæti strákur í ljós. Eini gallinn við þessa sætu stráka er sá að þeir eru farnir að missa hárið. Nú finnst mér ekkert athugavert við það að karlmenn missi hárið, held að meirihlutinn geri það með tímanum. Mér finnst samt bara sanngjarnt að þeir hafi líka viðkvæmt útlitsdæmi, nóg höfum við konurnar af þeim. Hins vegar geta súkkulaðistrákar ekki verið sköllóttir. Það gengur bara ekki upp. Eftir nákvæmar rannsóknir þa sýnist mér á öllu að George Michael vinur minn, og hann er aðalsúkkulaðigæinn bara svo það sé á hreinu, hafi farið í e.k. hárígræðslu. Hann vill að vísu ekki vera kyntákn og fór í mál og alles út af því en þegar maður er búinn að markaðsetja sig sem súkkulaði strák þá eru góð ráð dýr.
Þessi undarlega hárgeiðsla á Enrique er náttla algjört comb-over og Johnny er byrjaður að stunda þetta líka eða mæta með hatt.