Áramótapistillinn

Það er þetta með lífið...

Ég fór á jólaball um daginn með fjölskyldunni. Við skemmtum okkur öll konunglega. Hring eftir hring í kringum sama jólatréið og sama staðnum. 

Ég ætla ekki að halda því fram að árið hafi verið auðvelt en vitiði, það var ekkert erfitt heldur. Tengdapabbi dó sem var erfitt en hann var að verða níræður með parkison inni á dvalarheimili svo hann var sáttur. Ég held honum líði miklu betur í Sumarlandinu með Tótu sinni.

Fyrsti kaffibolli dagsins er unaðslegur. Að fara út að ganga með hundinn er góð stund. Það er fólk í lífinu mínu sem ég elska og það elskar mig. Það er hamingjan.

Að ganga hring eftir hring. Syngja hástöfum með. Stundum klappa, stundum stappa. Snúa sér í hring. Að vera til. Þetta er allt frábært.

Gleðilegt nýtt ár og þakka liðið. 

Jólakveðja

Ágætu vinir og vandamenn. 

Við tókum ekki meðvitaða ákvörðun um að senda ekki jólakort í ár og því síður um að gefa jólakortasjóðinn til góðgerða. Við bara klúðruðum dæminu aftur í ár. Við sendum því bara rafræna kveðju og óskum ykkar gleðilegra jóla, árs og friðar 💝

Rauðhetta - femínísk greining.

Við þekkjum öll söguna um Rauðhettu. Ef einhver man hana ekki þá er hún hér.

Fyrir mörgum árum síðan þá heyrði ég femíníska greiningu á sögunni. Ég man ekki hver fór með eða hvar en það tilkynnist formlega að greiningin er ekki mín. Hins vegar hef ég æði gaman að því að hafahana eftir því hún vekur yfirleitt talsverð viðbrögð. En hún er sem hér segir:

Ævintýri voru og eru enn sögð til þess að kenna börnum á heiminn. Það er varað við ákveðnum hættum og kennt hvernig beri að varast þær.

Konur og sérstaklega stúlkur tengjast villtu hliðinni* og það þarf alveg sérstaklega að hafa stjórn á þeim, sérstaklega þegar þær eru aðverða kynþroska. Gamlar konur, sérstaklega ekkjur,  tengjast líka villtu hliðinni. Þessi hópur kvenna er sem sagt ekki eign manns (eiginkona) 

Rauðhetta er því ótamin lítil kona í rauðri hettu sem gæti vel táknað kynþroskaaldurinn. Hún verður að fara í gegnum skóginn til að komast til ömmu sinnar. Skógurinn er að sjálfsögðu ekki bara tákn þess villta heldur beinlínis "hið villta". (Welcome to the Jungle.) Til að komast í gegnum allt hið ótamda og villta verður Rauðhetta litla að halda sig á "beinu brautinni." Þetta segir sig alveg sjálft, ekki satt.

Svo hittir Rauðhetta úlfinn. Hvað skyldi úlfurinn tákna? Hann táknar klárlega e.k. freistara, kannski karlmann?

Rauðhetta lætur alla vega fallast í freistni og tínir fallegu blómin. Blómin geta auðvitað staðið fyrir brennivín, dóp, kynlíf... Veljið það sem þið viljið.

Hún kemst nú samt upp á veginn og kemst til ömmu sinnar. Þar tekur ekki betra við. Úlfurinn liggur beinlínis uppi í rúmi, uppi í rúmi, þarf frekari vitnanna við? Og auðvitað étur hann Rauðhettu litlu. Það er það sem vondir menn úlfar gera.

En Rauðhetta og amma hennar eru svo heppnar að veiðimaðurinn, fulltrúi feðraveldisins, gengur fram hjá og sker á magann á úlfinum. Rauðhetta beinlínis endurfæðist inn í heim karlmannsins.

Furðulegt nokk þá fellur þetta ekkert sérstaklega í kramið hjá öllum 😆

Það að úlfurinn sé mögulega tákn karlmanns er t.d. heldur viðkvæmt. 

Undanfarið hef ég verið að kynna mér hin ýmsustu hlaðvörp og dett niður á hlaðvarpið Rót illskunnar.  Þar er þáttur um Grimm bræðurna og þjóðsagnasöfnun þeirra. Og hvað kemur í ljós? Jú, upphaflega var úlfurinn varúlfur og hann beinlínis nauðgaði Rauðhettu litlu!

Svo er auðvitað alltaf hægt að gúgla:

Little Red Riding Hood - moral warnings and sexual implications

The story the Red Riding Hood revolves around a girl named after the red hooded cape/cloak (in Perrault's fairytale) or a simple cap (in the Grimms' version called Little Red-Cap) she wears. The story as most of us know it...

Njótið vel.

*Fyrir þau sem vilja kynna sér villtu hliðina bendi ég á frábæra bók Helgu Kress sem hægt er að nálgast á Academiu.

"Þú ert svo miklu sætari þegar þú brosir"

Bros er yfirleitt merki þessi að fólki líði vel og er ánægt. Þegar fólki líður vel og er ánægt þá lítur það betur út. Það gildir um alla, líka karla. Samt er fólk ekki að segja körlum að brosa í tíma og ótíma. Konum er hins vegar sagt alveg reglulega að brosa af því „brosandi er konan sætari.“ Frægur femínisti lenti í því á dögunum að sitja á kaffihúsi og vinna í fyrirlestri. Ég veit ekki af hverju hún fór á kaffihúsið til að vinna í fyrirlestrinum enda kemur mér það ekkert við. (Kannski í trausti þess að það sé meiri friður innan um ókunnuga en spjallandi vinnufélaga/fjölskyldu.) Hún vildi það og það nægir. 

Femínistinn segir svo frá því á facebook og frábiður sér fjölmiðlaumfjöllun að eldri maður hafi „vappað" í kringum hana (óþægilegt) og svo undið sér að henni og sagt henni að brosa meira því hún væri svo miklu sætari þannig. Femminn ferlegi brosti smá og sendi karlinum svo fingurinn.

Sumir eru alveg bit, kjaftstopp og hlessa. Ekki vegna dónaskaparins í manninum að trufla konuna þar sem hún er niðursokkin í vinnu sína. Ekki vegna þeirrar kröfu hans að hún eigi að brosa burtséð frá líðan sinni. Að hún eigi að sitja með frosið bros eins og fífl, ein yfir kaffibollanum sínum. Nei, fólk er alveg bit vegna þess að hún sendi þessum uppáþrengjandi, ókurteisa  og tilætlunarsama manni fingurinn.

Af því, krakkar, þetta er svo einfalt og svo undarlegt að femínistafjandar skuli ekki skilja þetta:

Tími kvenna skiptir ekki máli.

Vinna kvenna skiptir ekki máli.

Líðan kvenna skiptir ekki máli.

Svo við skulum bara halda kjafti og brosa í gegnum tárin.

Raunsæi

Rómantík 19. aldar á Íslandi

Innköllun reikninga

Takið eftir.

Það er verið að segja okkur að Marteinn hafi ekki borgað reikninga varðandi útför föður síns en Marteinn sá um hana.

Ónefndur aðili liggur á þessum reikningum og segir öllum sem heyra vilja að Marteinn borgi þá ekki en dettur ekki í hug að afhenda Marteini reikningana.

Ég óska því eftir því hér með fyrir hönd Marteins að séu einhverjir ógreiddir reikningar vegna útfarar Gunnars Marteinssonar eldri að viðkomandi hafi samband við Martein vegna þess.

Tilbrigði við mansöng

Teikning: GM.

Setjist hjá mér synir tveir, 

sögu heyrið mína. 

Ykkar ættar jarðarleir 

ekki skuluð týna. 

Faðir ykkar fæddist hér 

framtíð taldi sína. 

Núna er að baki ber, 

bræður gullið rýna. 

Í hjörtum sumra brennur bál 

Bölvun þeirra manna. 

Best að verja sína sál, 

sorgir okkar banna. 

Okkar skulum herða hug 

Hatrið ekki sýta. 

Alltaf sýna, drengir, dug, 

drungans þræði slíta. 

Þótt þið séuð ungir enn 

ykkur verndar ekki. 

Í veröld eru vondir menn 

sem valda ykkur hnekki. 

Klæðast þeir í sauðaskinn 

Sækja heim líkt frændum. 

Þegar komnir þessir inn 

Þjáning er í vændum. 

Varið ykkur vondum á 

Veröld full af hættum. 

Kannski munið seinna sjá, 

sæmd í ykkar ættum. 

Þvinguð nærvera

Ég ætla að setja upp fræðilegt dæmi. Vinsamlegast athugið að fólk og atburðir eru tilbúningur.

Það búa gömul hjón í blokkaríbúð í Reykjavík. Þau eiga fullorðna dóttur sem var lengi í sambandi með manni sem bjó með henni og börnunum hennar. Þegar á leið kom í ljós að maðurinn átti við erfiðleika að stríða.  Látum nægja að segja að sambúðin var mjög erfið. Hann veittist einnig að hjónunum þegar þau komu að málum en þau lögðu ekki fram kæru frekar en dóttir þeirra. Maðurinn hefur því engan dóm á bakinu. Það var alls konar djöfulgangur sem gekk á sem kom aldrei til kasta dómstóla en gömlu hjónin vita um. Dóttirin og maðurinn hafa slitið samvistir en eiga enn í deilum um eignir, maðurinn er að reyna að eigna sér hlut í íbúð dótturinnar sem hún átti ein.

Batnandi manni er best að lifa og eftir því sem gömlu hjónin vita best hefur maðurinn tekið sig á síðastliðin ár í sínu einkalífi. Hann er m.a.s. kominn í vinnu. Hann vinnur hjá einkapóstþjónustu í Reykjavík og kemur reglulega með sendingar í blokkina til gömlu hjónanna. Hefur lykil að stigahúsinu.

Hjónunum finnst þetta óþægilegt. Þeim finnst óþægilegt að hitta manninn reglulega og hafa jafnvel dálítinn beyg af honum. Hann gerir þeim ekkert en pósturinn þeirra er stundum krumpaður í póstkassanum og hann leynir ekki andúð sinni í svipbrigðum og háttalagi.

Þau ákváðu því að hafa samband við fyrirtækið og athuga hvort möguleiki væri að annar maður bæri út í húsið til þeirra. Fyrirtækið brást ókvæða við. Það hætti ekki að láta manninn bera út í hús gömlu hjónanna, það hætti bara að bera út póstinn til þeirra. Ef gömlu hjónin vildu fá póstinn sinn urðu þau að sætta sig við reglulega nærveru mannsins.

Er þetta eðlilegt? Getur fyrirtæki þvingað nærveru manns upp á fólk? Hjónin eru ekki að fara fram á að maðurinn sé rekinn, þau eru aðeins að fara fram á að hann verði fluttur í annað hverfi.

Einherjinn

Í gömlu húsi draugar dansa

dauðinn hverju horni í.

Héðan Frigg mun engu ansa

ekkert grær í húsi því.

Sest þar hefur hatrið að,

heiftin brýnir stálið.

Mælir eitur, mylur það.

Magnar hatursbálið.

Einherjinn hefst þar villtur við,

Valhöll hvergi finnur.

Sorgin engin gefur grið,

grimmdin alltaf vinnur.

Bara kuldi, engin ást.

Eflist hatursrótin.

Að aðrir þurfi að þjást,

það er eina bótin.

Gengnir horfa hryggir á

hrakin burtu framtíð.

Næsta kynslóð flæmd er frá

fjölda ára sinnar hlíð.

Situr einn í brota borg

brostnar vonir,  þrár.

Getur einhver sefað sorg?

Sært upp betri ár?

Cool cat, or what?

So, you think you’re a cool cat

clever on facebook and allt that.

When the shit hit the fan

you blocked, hid and ran

‘cause really you’re just a little shat.

The Chauvinist fool

When a bashing is your great plan
control to a difficult woman.
You're not very cool
just a chauvinist fool
in desperate need of a brain scan.

Johnny Bondage

There once was a farmer named Johnny

who wanted a Playboy bunny

smearing people with shit

he thought was a hit

but nobody found him that funny.

Poor, unfunny farmer Johnny

was so lonely and horny

he longed for a spank

but the same old wank

he got from his five finger honey.

Barnalegt blogg fyrir Jón Björn

Eins og áður hefur komið fram er það grundvallaratriði af hálfu litla prinsins að ég taki út það sem ég hef skrifað um haturs-reiði-ruglið sem við sitjum undir af hans hálfu hér á Hálsi.

Upphaf ruglsins er að hann þjófkenndi mig og ég reiddist. Ég hvæsti á hann en ég var kurteis. Það er stóri glæpurinn sem ég framdi og verður að refsa mér og fjölskyldunni fyrir á sem grimmilegastan hátt. Það verður ekki hætt fyrr en fjölskyldan verður flæmd á brott helst sem eignaminnst.

Til að ná fram þessu markmiði hefur hann markvisst unnið að því að vekja samúð á eigin málstað og grafa undan okkur. Þetta hefur honum með undraverðum hætti tekist því sannleikurinn er honum ekki hliðhollur. Hins vegar hefur honum tekist að ljúga upp þvílíku rugli og bulli að það nær ekki nokkurri átt. Og því miður eru innan þessa trúarhóps nokkrir „fljúgandi apar“ (flying monkeys) sem eru nú farnir að vinna skítverkin fyrir hann. 

Nágranninn í suðri lét hafa þetta eftir sér að það þyrfti bara að rassskella mig. Það þarf sem sagt að beita mig ofbeldi.
Fóðurbílstjórinn dreifir því um að kerlingin á Hálsi sé bara kexrugluð.

Jóni Birni Hreinssyni fyndist „alveg geggjað flott“ ef litli prinsinn myndi fara með skítadreifarann á okkur, þá væntanlega okkur hjónin,börnin okkar og húsið okkar, húsið þar sem við rekum ferðaþjónustu til að vinna fyrir okkur. 

Guði sé lof að skíturinn er verðmætur áburður annars hefði litli prinsinn ekki hikað!

Garpurinn Jón Björn er nú samt ekki með stærra hjarta en það að hann neitar að hann hafi átt við okkur þótt öllum megi vera það ljóst. Ég efast ekki um að þau á Kvíabóli eða Arnþórsgerði eða Torfunesi fatti þennan rosalega brandara. Þetta er nefnilega „brandari.“ Finnst ykkur þetta ekki fyndið? Að fá drulluna yfir ykkur? Geggjað flott.

En af hverju tala þessir menn svona? Af hverju taka bændurnir í sveitinni þátt í þessari aðför? Það er greinilega enginn smáræðis lygaóþverri sem þeir hafa verið mataðir á.  Og þeir gleypa hráan. Þegar við spyrjum hvað við höfum gert til að verðskulda þetta þá er ekki svarað. Auðvitað ekki. Ef við vitum hverju er verið að ljúga þá getum við sýnt fram á lygina.

Hann lýgur og lýgur. Hann færir upphafspunkt dellunnar fram og til baka. Allt mér að kenna og blogginu. Hann er saklaust, lítið fórnarlamb. Ranghugmyndakerfið er allsráðandi.

Reyndar er ágætt að þetta er komið upp á yfirborðið á opinni facebook síðu sumra því við erum búin að finna fyrir þessu viðhorfi síðastliðin tvö ár. Rangfærslurnar eru greinilega búnar að festa sig svo í sessi að meðreiðarfólkinu finnst eðlilegt að opinbera þær skoðanir sínar að yfir okkur eigi bara að dreifa skít..

Bloggið hefur frá upphafi verið sjálfsvörn gagnvart þessum lygum og rangfærslum. Lygum sem valda því að menn eru beinlínis farnir að hvetja opinberlega til ofbeldis gagnvart okkar. Og af því að okkar hlið sögunnar samrýmist engan veginn lygaþvættingnum sem hann ber út þá skal þá skal þá skal helvítis kerlingin þegja!  Annars verður öllu haldið hér í hers höndum.

Svo ég á að leggjast á fjóra fætur og sjúga rassgatið á þessum manni svo hann þurfi ekki einu sinni að rembast til drulla yfir okkar. 

Látum það vera að þið trúið öllu illu upp á menntuðu konuna úr Reykjavík, þær eru nú alræmd skrímsli hér í sveitarfélaginu. En maðurinn minn og drengirnir mínir eru fæddir hér og uppaldir, hvað hafa þeir gert til að eiga þetta skilið?

Við ykkur sem eruð blinduð af lyginni og styðjið þetta ofbeldi og hvetjið til þess hef ég aðeins eitt að segja:

Megið þið brenna yfir hægum eldi í helvíti til eilífðarnóns.

Þetta eðalmenni er á lausu, stelpur.

Update 20. september.

Maðurinn minn hringdi líka í Jón og þurfti 16 tilraunir áður en hetjan þorði að svara. Í því samtali fullyrti Jón að hann kynni ekki að taka út ofbeldishvatninguna á facebook. (Og talaði um hvað hann ætti bágt.) Núna hefur Jón, sem kann svo illa á facebook, blokkað okkur en ofbeldishvatningin stendur enn. Þú ert nú meiri dómsdagsauminginn, Jón.

Já, þetta er ofbeldi

Gámaþjónusta Norðurlands tekur þátt í ofbeldinu

Eins og allir lesendur vita er forkastanleg staða uppi á Hálsi. Meðeigendur mannsins míns neita samstarfi, sáttum, kaupum og eða sölu. Það eina sem upp á er boðið er að fjölskyldan flytji úr af heimili sínu, húsinu sem við byggðum, fyrir rétt tæpum 10 árum síðan.

Yngri bróðirinn er móðgaður vegna smámuna og honum hefur tekist að sannfæra hinn um guð má vita hvað. Hinn vinnur alla vega stöðugt gegn eigin hagsmunum og leyfir Lilla að blóðmjólka búið.

Ég veit ekki til þess að við höfum gert Hinum eitthvað, nema hvað hann varð gróflega móðgaður þegar við sögðumst vilja borga Lilla meira fyrir hans hlut þar sem hann hefur lagt meira af mörkum til búsins. Það vita það allir að það er rétt. Hinn hefur alla tíð verið mjög iðinn við að koma sér undan verkum.

Í apríl byrjaði Hinn að vinna hjá Gámaþjónustu Norðurlands. Áður höfðu báðir mennirnir á bílnum alltaf komið út og sinnt verkunum en núna kom bara annar út, Hinn sat inni í bílnum. Íronískt í ljósi okkar reynslu en greinilegt að fyrst samstarfsaðilinn leyfði honum að komast upp með þetta þá hefur eitthvað verið sagt. Eitthvað rangt af því eins og sagði áður, við höfum ekkert gert þessum manni annað en að bjóða honum verulegar upphæðir í hlutinn hans. Meira en Lilla bara svo það sé á hreinu.

Í vor var bílnum bakkað mjög hratt og nálægt húsinu okkar svo mér varð ekki um sel en ákvað að skrifa það á mistök.

Fyrir ca. þremur vikum kem ég heim rétt eftir að bíllinn hafði verið hér. Eldri drengurinn var úti að viðra hundinn og hann sá þegar aðeins annar maðurinn kom út (Hinn sat undir stýri). Þegar tunnan var að tæmast þá kom vindhviða og eitthvað af draslinu fauk í burtu. Starfsmaðurinn skildi það bara eftir og það var keyrt í burtu. 

Við drengurinn tíndum draslið upp þegar ég kom heim og þá var það auðvitað fokið lengra og víðar. Ég hafði samband við Gámaþjónustu Norðurlands í gegnum síðuna þeirra, lýsti því sem gerðist og sagðist ekki alveg sátt við svona vinnubrögð. Engin svör bárust. 

Eftir tvö ár af ofbeldi og viðbjóði þá er maðurinn minn orðinn langþreyttur. Hann hringdi í Gámaþjónustu Norðurlands og var ekki sáttur við þetta. Þá sagði hann líka að hann kærði sig ekki um þennan mann hjá heimilinu sínu. Viðmælandi spurði hvort hann væri að fara fram á að hann ræki hann en maðurinn minn neitaði því, hann vildi hann bara ekki hjá heimilinu sínu. Heimilinu sem þessi maður er að reyna að flæma okkur í burtu af. Þetta getur ekki verið eini bílstjórinn hjá fyrirtækinu. 

Í dag kom gámabíllinn.

Það var keyrt fram hjá húsinu okkar.

Við borgum fyrir sorpþjónustu. Þingeyjarsveit er með samning við Gámaþjónustu Norðurlands. 

Ég hringdi í Neytendasamtökin. Við eigum rétt á þessari þjónustu. Við eigum rétt á því að henni sé sinnt án ógnandi tilburða og án þess að drasli sé dreift í kringum okkur.

Ég fer hér með fram á að Gámaþjónustan sinni þeim samningum sem hún hefur gert við Þingeyjarsveit.

Update.
Við höfðum samband við sveitarstjóra Þingeyjarsveitar og bíllinn kom aftur og tunnurnar voru tæmdar. Takk Dagbjört 😀

Sumir sátu auðvitað sem fastast og þorðu ekki að sýna á sér andlitið 😡

Kjaftasögu kjaftæði

Að ónefndri þeirri staðreynd að þetta er almennt og yfirleitt ekki hans hlað.

Að flæma fjölskyldu af heimili sínu

Ég er búin að margsegja þetta en samt virðast ekki allir skilja hvað er í gangi hérna á Hálsi. Svo ég ætla að segja það einu sinni enn í von um að það skiljist:

Fyrir 10 árum síðan byggðum við hjónin hús fyrir okkur og fjölskylduna okkar. Það kostar alveg jafnmikið að byggja hús úti í sveit eins og annars staðar. Það hins vegar selst ekki á sama verði. Við byggðum húsið samt því við ætluðum að búa hér út ævina. Við ætluðum aldrei að selja þetta hús.

Fyrir tveimur árum móðgaðist maður vegna smámuna.Hann er svo móðgaður að hann er búinn að búa til risastóran hnút og taka hinn meðeigandann með sér inn í delluna.

Við erum margbúin að bjóða sættir. Marteinn er margbúinn að gera tilboð í allt. Við erum margbúin að reyna að leysa þetta en allt kemur fyrir ekki.

Það eina sem mótaðilarnir bjóða upp á er að allt verði selt þ.m.t. húsið okkar. Ef við samþykkjum það ekki þá verður okkur haldið í þessu helvíti, í andlegri, veraldlegri og fjárhagslegri gíslingu.

Einhverra hluta vegna virðist fólk ekki skilja það að ef húsið okkar er selt þá eigum við það ekki lengur. Sem þýðir að við verðum að flytja úr því. Við hjónin með drengina okkar tvo. Fjölskyldan.

Þannig að það er beinlínis verið að reyna að flæma tvo drengi af heimilinu sínu. Annar flutti hingað eins og hálfs árs og hinn er fæddur hér. Þetta er eina heimilið sem þeir þekkja.

Takk fyrir að taka þátt í aðförinni.

Gullskikinn

Við hjónin höfum ítrekað beðið um að fá stærri lóð utan um húsið okkar. Því hefur alltaf verið neitað á þeirri forsendu að þessi skiki sé algjörlega bráðnauðsynlegur rekstri búsins.

Nú í sumar bregður hins vegar þannig við að bændurnir á Kvíabóli hafa verið að hirða slægjuna af túnunum hér á Hálsi. (Að þeir hafi geð í sér að taka þátt í þessu rugli öllu er þyngra en tárum taki.) Einum eiganda og stjórnarformanni fyrirtækisins er ekki sagt hvernig þeim samningi er háttað né undir hann borinn. Framkvæmdastjóranum þóknast auðvitað ekki heldur að svara fyrirspurnum þar um þótt honum beri að gera það skv. lögum og samþykktum fyrirtækisins. Enda alveg ljóst að maðurinn á tvöföldu laununum vegna "tvöföldu vinnunnar" er ekki að sinna þessari meintu tvöföldu vinnu.

En hvað um það.

Það er alla vega alveg ljóst að þessi neitun snýst um eitthvað annað en nauðsyn enda er gullskikinn ekki einu sinni sleginn.

Bróðir þeirra, bróðursynir og helv.. kerlingin skulu ekki njóta góðs af neinu. Og þeir ætla sér alls ekki, undir neinum kringumstæðum, að leysa þetta. Það eru þeir sem halda hér öllu í heljargreipum.

Vona að ykkur líði vel í sálinni.

Hlutverk og skyldur framkvæmdastjóra

Leiðbeiningar um stjórnarhætti fyrirtækja.

4.2.1 Framkvæmdastjóri skal annast daglegan rekstur félagsins í samræmi við stefnu og fyrirmæli stjórnar. 

4.2.2 Framkvæmdastjóri skal sjá til þess að stjórnarmenn fái reglulega nákvæmar upplýsingar um fjármál, uppbyggingu og rekstur félagsins svo að þeir geti sinnt störfum sínum. Upplýsingarnar skulu vera í því formi og af þeim gæðum sem stjórn ákveður. Upplýsingar og gögn eiga að vera aðgengileg stjórnarmönnum tímanlega fyrir stjórnarfundi, og á milli þeirra, og skulu allir stjórnarmenn fá sömu upplýsingar. Upplýsingar skulu jafnframt vera til staðar þegar þörf er á þeim og vera eins uppfærðar og nákvæmar og unnt er. 

4.2.3 Framkvæmdastjóri skal bera önnur verkefni sín, sem ótengd eru félaginu, undir stjórn félagsins til umfjöllunar.

17. grein samþykkta Hálsbús ehf.

Stjórn félagsins ræður framkvæmdastjóra og ákveður laun hans og starfskjör. Hún veitir og prókúruumboð fyrir félagið. 

Framkvæmdastjóri hefur með höndum stjórn á daglegum rekstri félagsins og kemur fram fyrir bess hönd í öllum málum sem varða venjulegan rekstur. Hann sér um reikningshald og ráðningu starfsliðs. Framkvæmdastjóra ber að veita stjórnarmönnum og endurskoðendum eða skoðunarmönnum allar upplýsingar um rekstur félagsins sem þeir kunna að óska og veita ber samkvæmt lögum. 

Tvennt

1. Það getur hver sem er skráð sig til heimilis hvar sem er. Það þýðir ekki að viðkomandi sé þar með skráður í sambúð. En ef svo er þá til hamingju með að vera komin í hóp heiðarlegra skattgreiðenda.

2. "Ef fólk þiggur bætur á röngum forsendum eru þær í öllum tilfellum afturkræfar."

Tryggingastofnun kallaði eftir skattaskýrslum mörg ár aftur í tímann fyrir 14 árum siðan.

Helvítis kerlingin skal þegja II

Í fyrri pistli var spurt á hvaða vegferð þeir menn væru sem gætu ekki samþykkt sínar eigin tillögur. Reyndar veit ég á hvaða vegferð alla vega annar þeirra er. Þetta er hluti úr bréfi lögfræðings hans til þáverandi lögfræðings okkar:

Umbj. m. hefur falið mér að gera skýrt grein fyrir því við umbj. XXX að meðan allar bloggfærslur og samsvarandi færslur eru ekki teknar niður og skrifum hætt um málefni búsins verður ekki um frekara samstarf eða viðræður um lausn þessa máls að tefla. Gildir það jafnt um allar færslur á öllum miðlum. Þá fyrst þegar 4 vikur eru liðnar frá því bloggfærslur og aðrar samsvarandi færslur eru teknar niður og ekki hafa birtst að nýju eða aðrar nýjar færslur, þar sem fjallað er hvort heldur sem er með beinum eða óbeinum hætti um málefni umbj. m. og félagið og búrekstur, verður hægt að halda viðræðum áfram um lausn málsins. Birtist nýjar færslur eða finnist innan slíks tímabils, hefst nýtt 4 vikna tímabil þar sem umbj. m. mun ekki láta málið til sín taka eða veita atbeina sinn til lausnar málinu.

Það er algjört aðalatriði í huga þessa manns að hafa stjórn á þessari helvítis kerlingu. Hún skal þegja sama hvað það kostar. Hann verður, hann bara verður, að hafa dagskrárvaldið. Ef þetta gerist ekki algjörlega á hans forsendum þá gerist það ekki. Frekar skal hann búa einn og óhamingjusamur við hliðina á okkur árum saman frekar en að leysa þetta mál. Helvítis kerlingin hún skal hún skal hún skal hún skal hún skal þegja!

Ég hef margoft komið inn á það að bloggið er ekki ástæða fyrir einu eða neinu. Bloggið er viðbrögð við hans framkomu. Okkar hlið á málinu. Af hverju má okkar hlið ekki heyrast? Ef það sem við erum að segja er svona rangt þá ætti nú að vera hægur vandi að benda á það og sýna hvað við erum lygin og ómerkileg. Er tilfellið kannski það að við erum að fara rétt með? 

Samningaumleitanir eru yfirleitt á þann veg að ef aðili vill eitthvað frá öðrum þá verður hann að gefa eitthvað eftir í staðinn. Hvað haldið þið að mér sé boðið í staðinn fyrir að "taka allt niður alls staðar og halda kjafti í fjórar vikur"? Sem er honum greinilega mjög mikið hjartans mál.

Ekkert. 

Alla vega ekkert af því sem við viljum. Það sem við fáum í staðinn er að hann ætlar kannski að fara í viðræður um að selja undan okkur húsið svo hans eignir verði verðmeiri. En bara kannski.

Furðulegt að ég skuli ekki hlýða.

En auðvitað snýst þetta ekkert um bloggið. Þessi leiðindi voru búin að vera í gangi í níu mánuði áður en ég fór að blogga um þau. Hann var ekki til neinna viðræðna á þeim tíma heldur. Ef það væri ekki bloggið þá væri það bara eitthvað annað. Þetta snýst um vald. Að hafa okkur undir hælnum. Að ráða okkur og stjórna. Ef hann semur við okkur eða leysir þetta mál þá missir hann það litla vald sem hann hefur í heiminum.

Ég veit hins vegar ekki hvað hinum gengur til. Hvernig hann vinnur stöðugt gegn eigin hagsmunum og leyfir litla bróður sínum að blóðmjólka búið. Litli bróðir fær að skaffa sér hátekjulaun án samþykkis stjórnar. Auðvitað er enginn arður greiddur út því það fer allt í þessar launagreiðslur eins eigandans og hinir sitja eftir með ekkert. Litli bróðir má líka alveg búa leigulaust í húsi búsins þótt honum hafi verið gefið annað hús á lóðinni sem stendur autt. Búið er að grotna niður, með þessu áframhaldi verður það verðlaust eftir nokkur ár.
Síst af öllu skil ég hvernig hægt var, eftir áralangar kröfur um að vera keyptur út, að hafna fyrst 30 milljóna króna tilboði og svo 28 milljóna króna tilboði, af því það var "undir væntingum", og vinna svo við það að hreinsa draslið undan bræðrum sínum. Ég næ bara engan veginn upp í það.
Það býður enginn hærra á meðan búið er ekki á sölu. Það hlýtur hver heilvita maður að sjá það.*

Kosturinn við þessa samvinnu þeirra og samstöðu er sá að nú er hægt að fara að vinna með 18. grein laga um ehf.

 [18. gr. a.  Hluthafi getur krafist dóms fyrir því að félagið innleysi hlut hans í félaginu enda standi veigamikil rök til þess að honum verði gert kleift að losna úr félaginu vegna þess að:     

1. félagsstjórn, framkvæmdastjóri eða aðrir, sem fram koma fyrir hönd félags, svo og hluthafar, hafa brotið gegn ákvæðum 51. og 70. gr. um öflun ótilhlýðilegra hagsmuna;
    2. annar hluthafi í félaginu hefur misbeitt áhrifum sínum í félaginu;
    3. djúpstæður og langvarandi ágreiningur er milli hluthafans og annarra hluthafa um rekstur félagsins.
 Ef innlausn skv. 1. mgr. leiðir til umtalsverðs tjóns fyrir félagið eða leiðir með öðrum hætti til ósanngjarnrar niðurstöðu fyrir það skal ekki taka kröfu hluthafans til greina. Sama máli gegnir ef félagið finnur einhvern sem er reiðubúinn til að kaupa hlutina gegn greiðslu er svarar til innlausnarverðsins. [Ákvæði 4. mgr. 14. gr. gildir eftir því sem við á.] 1)] 2)

*Það hefði örugglega verið gott að hafa þessa peninga í vasanum við íbúðarkaupin.