Gamall, reiður femmi.

Í dag er fjölskyldudagurinn okkar. Mamma á afmæli, foreldrar okkar giftu sig fyrir 40 árum og við systurnar vorum allar skírðar þennan dag. Það skal samt viðurkennt að ég hef ekki enn keypt afmælisgjöf fyrir mútter. Ég bara hreinlega veit ekki hvað ég á að gefa henni. Blóm og konfekt? Fengum okkar rúnt út fyrir Selfoss að kíkja á hryssurnar, þær eru hjá sitthvorum stóðhestinum. Annar er frekur og stjórnar með ægivaldi, var búinn að skipta hryssunum í tvo hópa eftir einhverri reglu sem enginn þekkir nema hann. Hinn er þriggja vetra og virðist ekki alveg fatta þetta. Bara ægilega gaman að vera með fullt af hryssum úti í haga. Elti okkur síðan út um allt, mjög mannelskur greinilega. Það var dálítil umferð bæði úr í bæinn og mikil þoka á heiðinni. Var að skoða þennan lóðaúthlutunarlista. Er ekki óvenju hátt hlutfall af þekktum nöfnum þarna?

Ég skulda skattinum 36.225,- og það er ekki vegna þess að ég sé á svo háum launum eða eigi svona óskaplega mikið. O nei. Hins vegar var ég dugleg að vinna síðastliðinn vetur. Refsið mér endilega fyrir það. Það verður gaman að borga þetta núna þegar launin lækka og ég missi yfirvinnuna. Lovelyyyy.... Þetta er gorgeus gæi. Ég vann sko með mömmu hans í fyrra! Hún er æðisleg.

Neibb, ég fer ekkert út úr bænum. Verð heima með haglarann að passa húsið. Og PAKKA! Verð að drífa mig ef ég ætla að taka dótið með mér.

Ef ég væri gift Rhett Butler þá myndi ég sko gleyma þessum Ashley Wilkes alveg med det samme. Og vísa honum út úr svefnherberginu! Aldrei nokkurn tíma!

Ég er búin að pakka bókum í þrjá kassa allt í allt og það sér ekki högg á vatni. Ég er eiginlega búin að taka þá ákvörðun að taka sem minnst af bókum með en þá losna bókahillur og ég er að bæta við mig hillum svo það er frekar asnalegt. Svo þarf ég að bera kassana niður í kompu anyways svo mig munar ekkert um að bera þá út í bíl. Best að velta þessu dálítið fyrir sér. Hætta að pakka og horfa á Gone with the Wind . Gable er nú sætur. Ég hef átt eitthvað erfitt með svefn undanfarið, best að laga smá kaffi og spá í það líka. Að endingu vill móðir mín koma því á framfæri að hún leggi Snotru ekki í einelti og Kolfinna sé ekki uppáhalds kötturinn. Henni þyki vænst um Jósefínu af því að hún er fyrsti kötturinn og er orðin elst, 15 ára og svo þyki henni næstvænst um Dúlla sem er kötturinn hennar. Dúlli sem upphaflega hét Krúsilíus.

Þetta er stór stund. Ég er byrjuð að pakka, aftur. Ætlaði að skilja stóran part af bókunum eftir en nú er eg komin í vandræði. Það eru bara lesnir reyfarar sem eru komnir ofan í kassa til að fara í kompuna. Ég á eftir að lesa slatta, á ég að taka allar ólesnu bækurnar með? Svo er líka fullt af bókum sem ég þarf að hafa til að geta flett upp í. Á ég að taka þær allar með? Ég finn að mig langar til að taka flest allar með. What to do, what to do..

Við skelltum okkur í sveitina í dag. Systur mínar eru mjög duglegar að skrúfa saman skápa. Ég er mjög dugleg að sóla mig. (Well, tanning is a hard work.) Við ætluðum að taka Jósefínu og Snotru með en fundum ekki Jósefínu. (Jósefína er alltaf í útilegu á svölunum þessa dagana.) Svo Snotru var kippt með. Það var svo heitt í bílnum að hún var með munninn opinn alla leiðina og mótmælti hástöfum. Snotra er með einhvern undarlegan kattasjúkdóm í stóru, bleiku eyrunum sínum. Hún fær brúna bletti sem geta orðið alvarlegt mál. Svo þegar það er sól þá verðum við að bera sterka sólarvörn a eyrun og Aloa Vera á kvöldin. Hún er ekki samvinnuþýð með þetta. Alla vega. Þar sem hennar helsta hobbý þessa dagana er að sitja fyrir Kolfinnu og ráðast á hana þá kipptum við Snotru með í sveitina eins og fyrr sagði. (Snotra í fyrirsát við svaladyrnar. Kattastiginn liggur af svölunum.) Hins vegar finnst mér það mjög eðlilegt að Snotra og hinir kettirnir sitji fyrir og hrekki Kolfinnu því hún er hinn versti va

Til þín Ég er bæði feit og fríð, faðmur, kossar mildir. Þig myndi' elska alla tíð, ef þú bara vildir. Var að kjökra yfir Helga og Jóhönnu og fór að hugsa. Maður ætti eiginlega að hugsa sem minnst.

Þá veit ég loksins hvað Helgi meinar með spurningunni Hver skapaði sýkla . Hann hlýtur að hafa afskrifað sig af elliheimilinu því hann stóð allt síðasta sumar á horninu með spjaldið sitt.Já, ég sé það í myndinni að hann er heima.

Brá mér í hestarúnt með litlu systur í gær. Það þurfti að fara með þessa dömu og folaldið hennar til stóðhests. Glaumur litli á sem sagt að eignast lítið systkini næsta sumar. Fyrir á hann systurina Gleði. Vatnskassinn á jeppanum gaf sig svo við tókum sénsinn á Subarunum mínum og það gekk vel. Massagræja! Í dag fórum við svo í heimsókn til hinna hestanna sem eru algjörar brauðbykkjur! Við komum auðvitað alltaf með brauð og þetta er iðulega sjónarhornið. ,,Hvað er brauðið? Já, komdu með það." Röskvu finnst brauð rosagott og leitar helst í vösunum a manni. Hún væri tilvalinn sirkushestur því hún er ótrúlega klár litlu systur til mikillar mæðu því hún skrúfar frá vatnsinntökum og setur allt á flot. Hún var sett á bás um daginn og spýtu rennt fyrir. Mín kerling var svo að dunda sér við að ýta spýtunni í burtu. Það þurfti að renna henni út á hlið og Röskva var alveg með það á tæru. Litla systir og Röskva að spjalla saman.

Keyrði fram hjá ,,skiltinu mínu" áðan. Það var búið að rétta það af eftir að ég braut framljósið á því um daginn en nú hafði einhver annar greinilega keyrt á það. Stöð 2 var einu sinni með umfjöllun um svona skilti sem gerði lítið annað en að láta keyra á sig. Ætli að tryggingarfélögin eða bifvélavirkjar fjármagni þessa plágu. Þau stórgræða á þessu. Þetta skilti er í boði Kaskótrygginga. Please crash it and make our day.

Ekkert sólbað í dag. Ágætt, ég brann pínulítið í gær. Fer í hestasmölun í staðinn. Eins sorglegt og hræðilegt það var að þessi maður skyldi vera skotinn í London þá skil ég lögregluna. Ef hann hefði verið hryðjuverkamaður þá hefði hann getað tekið fullt af fólki með sér. Lögreglan gat ekki tekið sénsinn á því. Ef ég væri í London núna þá myndi ég egra allt sem lögreglan segði mér að gera. Eru þessar fyrirhuguðu aðgerðir vörubílstjóra ekki að bitna á röngum aðilum? Væri ekki nær að liggja á flautunni fyrir framan Alþingishúsið eða eitthvað svoleiðis?