Þá er vinnuskyldunni formlega lokið og sumarfrí hafið. Ég mun samt mæta á mánudag því ég skulda eiginlega dag út af transportinu á miðvikudaginn og svo er bara meira en að segja það að tæma eitt stykki stofu. Nú nægir ekki að skila bókunum, tína upp ruslið og labba svo út og segja bæ. Neibb, það verður að tæma allt saman. Ég er bara búin að vera í þessari stofu í tvö ár og tókst samt að fylla hana! Ég er svo yfir mig bit, kjaftstopp og hlessa.

Fyrsti árgangurinn minn útskrifaður.

Þegar ég byrjaði að kenna haustið 2002 þá var þetta fólk að byrja í 8. bekk. Það útskrifaðist núna þriðjudaginn. Gangi ykkur allt í haginn, gott fólk.

Fór að skoða aðstæður í Aðaldalnum í dag. Brunaði fram og til baka svo ég tók mömmu og litlu systur með sem kompaní og varaökumenn. Sem var mjög gott því litla systir keyrði alla leiðina til baka. Mér líst bara vel á Dalinn. Fer að kenna á meðferðarheimilinu en verð undir stjórn Hafralækjarskóla. Ég fæ reyndar að ráða þessu að miklu leyti sjálf með tilliti til aðalnámskrár, húsráðanda, skólans og hvers og eins nemanda. Hljómar vel og verður örugglega mjög skemmtilegt. Það bíður eftir mér fjögurra herbergja parhús með lágri leigu, kirkjukór og bóndi. Jájá, skólastjórinn lofaði mömmu tengdasyni:)
Það er bara einn hræðilegur galli. Húsdýrahald er bannað á skólalóðinni svo ég get ekki fengið mér hvolp. Hvolpurinn er fæddur og bíður bara eftir réttum aldri svo þetta er algjör bömmer.

Þetta er dagur hinna stóru tíðinda.
Börnin fengu samræmdu einkunnirnar.
Staðan er mín ef ég vil hana og ég geri fastlega ráð fyrir að ég vilji hana. Aðaldalur, here I come.
Fór að sjá Star Wars.

Mean lil fellow, arn't you?


What Monty Python Character are you?
brought to you by Quizilla