Fara í aðalinnihald

Vitur eftir á

Þann 20. maí síðastliðinn voru útskrifaðir 34 nýstúdentar frá Framhaldsskólanum á Laugum. Í skólaslitaræðu sinni kom skólameistari inn á stöðu framhaldsskólanna almennt en einnig sagði hann þetta:

Það er ekki sjálfgefið að skólahald verði á Laugum um aldur og ævi þrátt fyrir að það hafi verið hér lengi. Ein leið til að styðja við skólann er sú hugmynd að sveitarfélögin Þingeyjarsveit og Skútustaðahreppur ættu að sameinast um rekstur unglingadeildar grunnskólanna á Laugum í samvinnu við Laugaskóla. Ég hugsa reyndar að sveitastjórnirnar og þá væntanlega meirihluti íbúa deili ekki þessari sýn með mér. Enda er hún kannski hugsuð út frá hagsmunum Laugaskóla, þó svo að ég haldi að hagsmunir Laugaskóla og sveitarfélaganna hljóti óneitanlega að fara saman.

Þegar sameining Litlulaugaskóladeildar og Hafralækjarskóladeildar undir eitt þak var í burðarliðum voru margir (aðallega á skólasvæði Litlulaugaskóladeildar) sem bentu á þá hættu að fjara myndi undan Framhaldsskólanum á Laugum ef sameinaður skóli yrði staðsettur í Aðaldal. Ég viðurkenni fúslega að ég óttaðist það ekki enda hélt ég að flestir nemendur kæmu annars staðar frá. En reyndin er greinilega sú að nemendur á Laugum var grunnstoð skólans. 
Ég tek heils hugar undir með skólameistara þegar hann heldur að hagsmunir Laugaskóla og sveitarfélaga fari saman. Hvernig fer fyrir Þingeyjarsveit t.d. ef þessi "stóriðja" fer?
Þá er tvennt sem ég velti fyrir mér og verð að varpa fram:

1. a) Eru nemendur Þingeyjarskóla ekki að skila sér í Laugaskóla með sama hætti og nemendur Litlalaugaskóla gerðu og b) ef svo er af hverju ekki?

2. Ef forsvarsmenn Laugaskóla telja að það skipti máli að unglingadeild sé rekin á Laugum af hverju í ósköpunum lögðu Laugaskólamenn ekkert til umræðunnar á þeim tíma sem verið var að flytja skólann í burtu?






Ummæli

  1. 1 a) nei b) við því er sjálfsagt ekkert eitt svar en er óhugsandi að það hafi frekar myndast tengsl og áhugi meðal nemenda við skólann þegar nemendur Litlulaugaskóla gátu fylgst náið með félagslífinu og jafnvel tekið þátt í því.
    2) Sá aðili sem í dag er í forsvari fyrir Laugaskóla var það ekki þegar ákveðið var að loka Litlulaugaskóla - en það veistu auðvitað mætavel og því skil ég ekki hvers vegna þú setur spurninguna fram.

    Það verður að teljast því sem næst víst að innan mjög fárra ára verður eingöngu einn hefðbundin framhaldsskóli í Þingeyjarsýslum. Hvar finnst þér að hann eigi að vera?

    SvaraEyða
  2. Skóli er ekki það sama og skólastjóri og ég sagði forsvarsmenn, ft. Ég var á sínum tíma undrandi á þögn Laugaskólamanna þegar gjörningaveður samþaksskólans gekk yfir og mér finnst allt í lagi að velta því upp hvort þeir séu að greiða gjald þagnarinnar núna.

    SvaraEyða
    Svör
    1. Þér er auðvitað frjálst að velta hverju sem er fyrir þér á þínu eigin bloggi. Forsvarsmenn Laugaskóla hafa alla tíð lagt sig fram við það að eiga gott samstarf við sveitarstjórn. Ég stórefa að skólinn væri betur staddur ef hann hefði skipt sér af og/eða tekið afstöðu í jafn erfiðu máli og þessu. Vandi skólans er að ég held að stærstu sá sami og annarra framhaldsskóla, fækkun nemenda vegna styttingar náms og fámennari árganga.
      Ætli megi ekki allt eins velta því fyrir sér hvort skólinn sé nú ekki enn frekar en áður en Litlulaugaskóli lokaði að gjalda þess illa umtals sem sumir íbúar Þingeyjarsveitar virðast njóta þess að gefa skólanum þá er færi gefst á. Mér kæmi ekki á óvart þó svo að í þeim hópi séu núna margir sem hlakka yfir versnandi stöðu skólans.

      Eyða

Skrifa ummæli

Vinsælar færslur af þessu bloggi

Að greinast með krabbamein

 

Fáránleg staða

Eins og lesendur hafa kannski tekið eftir þá hef ég verið að endurbirta, lítillega uppfærða, greinargerð sem hefur verið aðgengileg á netinu frá því 7. júní í fyrra. Ég vakti reyndar ekki athygli á henni fyrr en í október eftir kattamálið og fékk hún talsverðan lestur þá.  Vegna þessarar endurbirtingar er núna verið að reyna að setja mér einhverja úrslitakosti. Það sem er nú kannski merkilegast við það er sú staðreynd að þetta er greinargerðin sem viðkomandi dreifði sjálfur út um allt í nóvember 2017.  Það eru ekki margar konur svo æðislegar að m.a.s. þegar menn hata þær þá vilja þeir samt búa sem næst þeim og gera allt til að svo verði sem lengst. En út á nákvæmlega það ganga þessir afarkostir. Ég verð að segja eins og er að þessi staða er einhver sú fáránlegasta sem ég hef upplifað og er þó orðin eins gömul og á grönum má sjá. Meðeigendurnir fullyrða báðir að þeir vilji selja. Við viljum kaupa. Peningarnir liggja í bankanum og bíða eftir að verða borgaðir út

Sannleikurinn, slúðrið og ástin.

  Eftir að ég varð “klikkaða kerlingin á Hálsi” þá hef ég tekið kjaftasögum með mun meiri fyrirvara en áður. Ég hef lært að orðatiltækið „sjaldan veldur einn er tveir deila“ er kjaftæði og sannleikann er ekki endilega að finna í miðjunni á sitthvorri hliðinni. Sumir eru fullfærir um að valda og viðhalda deilum alveg einir árum saman og ljúga út í eitt. Ég hef líka fengið staðfest að það virðist mega tala hvernig sem er um konur og miðaldra konur alveg sérstaklega séu mun ómarktækari en aðrar. Þá eiga konur sem veikjast að einbeita sér að veikindum sínum. Ekki eyða orkunni í eitthvað annað. Ekki samt tala um veikindin. Bara halda kjafti. Helst úti í horni. Með þessa reynslu í farteskinu hefur mér fundist erfitt að fylgjast með fréttaflutningi og umræðum um Sólveigu Önnu annars vegar og mál Jóns Baldvins hins vegar. Orðræðan um Sólveigu Önnu hjó mjög nærri; klikkuð og erfið. Þetta er mjög algeng orðræða um konur, sérstaklega þær sem neita að læðast meðfram veggjum. Sólveig Anna benti