Æ,æ,æ, svona yndislegt veður og enn langt í fríið. M.a.s. fullt af vinnu eftir. Erlingur getur haft það gott og slappað af en við grunnskólakennararnir eigum alla prófatörnina eftir. Yfirferð prófa getur verið ansi strembin vinnulota. Ég vona að Hugskot haldi ekki að þessi langi skólatími sé eitthvað sem við kennarnir viljum því það er alrangt. Ég veit að ég er á móti þessu og veit ekki um einn einasta kennara sem er hlynntur þessu. Og með fullri virðingu fyrir börnum landsins þá er það strembin vinna að vera innan um 25 börn allan daginn. Þau eru lífleg. Mjööög lífleg. Ég get alveg lofað ykkur því að á hverju einastu kennarastofu landsins eru örmagna kennarar að skreiðast áfram á seinustu bensíndropunum. Og já, það er kjarabarátta í gangi. Ég er á skítalaunum.

Ég er nú bara að velta því fyrir mér að byrja aftur að blogga fyrst Blogger er kominn með svona raffineraða og fína fonta við hæfi virðulegrar kennslukonu.
Sem betur fer er skólaárinu að ljúka og ,,sumarfríið" blasir við. Ég sé nú reyndar ekki fram á mikið sumarfrí þetta árið en ef Kennarasambandið stendur sig almennilega og gerir góðan samning þá er kannski von til þess í framtíðinni að ég fái sumarfrí. Svo er náttúrulega alltaf möguleiki að flytja sig upp í framhaldsskóla. Þeir gerðu góða samninga síðast.
Fæ útrás fyrir ergelsið í samningu svívirðilega þungra prófa (hehe). Svo það er eins gott fyrir ykkur að lesa vel...

Fór í meinta kröfugöngu 1. maí síðastliðinn. Eða öllu heldur, ég og litla frænka römbuðum með nokkrum hræðum einhverja krókaleið niður hallærisplan, fyrir bílunum því götunum var ekki einu sinni lokað. Þar var boðið upp á ljóðalestur og söng. Engar kraftmiklar ræður eða svoleiðis neitt. Neinei, ekkert verið að ofreyna sig á verkalýðsbaráttunni neitt. 1. maí fer nú bara að deyja út ef fer sem horfir.
Þegar ég fer að hugsa um það þá man ég ekki eftir neinum verkföllum árum saman. Ég man eftir langvinnum verkföllum í æsku minni en engum nýverið. Það er eins og það sé alltaf samið á síðustu stundu. Mér hefur oft dottið í hug að kannski sé málið það að fólk þori ekki lengur í verkfall eða sé bara orðið góðu vant. Það er kannski þversögn í sjálfu sér að fólk fari ekki í verkfall til að heimta hærra kaup af því að það hafi það svo gott. En ég held að við séum óvön því að berjast fyrir einhverju. Og það að fá ekki laun í einhvern tíma sé eitthvað sem fólk getur ekki verið án. Kannski vegna þess að afborganir af neyslulánum eru svo miklar. Af bílalánunum og yfirdrættinum og Guð má vita hverju. Svo við getum ekki farið í verkfall til að heimta hærra kaup til að auðvelda okkur greiðslubyrðina af því að við gætum orðið fallítt í verkfallinu svo við sættum okkur við lágu launin! Blah...

Ætti maður að byrja á þessu aftur?

Best að pússa geislabauginn...

Kai su, teknon?

Albert Fish:
So... You like to kidnap, torture and finally eat
children do you? And you show no remorse of any
kind once finally captured?
You were executed On January 16, 1936 in the
electric chair.
This made allot of people very happy.
And it made you happy to because you were looking
forward to being burned by a heat more intense
than the flames with which you often seared
your own flesh to gratify your lust.
You sound pretty sick to me!


What serial killer are you?
brought to you by Quizilla

Siðareglur kennara



Á 2. þingi Kennarasambands Íslands voru samþykktar siðareglur fyrir kennara.

Siðareglur eru settar til að efla fagmennsku kennara og styrkja fagvitund þeirra. Siðareglurnar eru kennurum til leiðbeiningar í starfi.

1. Kennarar vinna að því að mennta nemendur og stuðla að alhliða
þroska þeirra með fræðslu, uppeldi og þjálfun.

2. Kennurum ber að virða réttindi nemenda og hafa hagsmuni þeirra
að leiðarljósi, efla sjálfsmynd þeirra og sýna sérhverjum einstakl-
ingi virðingu, áhuga og umhyggju.

3. Kennurum ber að hafa jafnrétti allra nemenda að leiðarljósi í
skólastarfi. Kennarar eiga að vinna gegn fordómum og mega
ekki mismuna nemendum t.d. vegna kyns, þjóðernis eða
trúarbragða.

4. Kennarar skulu leitast við að skapa góðan starfsanda, réttlátar
starfs- og umgengnisreglur og hvetjandi námsumhverfi.

5. Kennarar leitast við að vekja með nemendum sínum virðingu fyrir
umhverfi sínu og menningarlegum verðmætum.

6. Kennurum ber að viðhalda starfshæfni sinni, auka hana og
fylgjast með nýjungum og umbótum á sviði skólamála.

7. Kennurum ber að hafa samvinnu við forráðamenn eftir þörfum
og gæta þess að upplýsingar sem þeir veita forráðamönnum séu
áreiðanlegar og réttar.

8. Kennarar skulu virða ákvörðunarrétt forráðamanna ósjálfráða
nemenda og hafa ekki samband um málefni nemanda við
sérfræðinga utan viðkomandi skóla, nema slíkt sé óhjákvæmilegt
til að tryggja velferð og rétt barnsins.

9. Kennurum ber að gæta trúnaðar við nemendur.

10. Kennurum ber að gæta þagmælsku um einkamál nemenda og
forráðamanna þeirra sem þeir fá vitneskju um í starfi.

11. Kennarar skulu gæta heiðurs og hagsmuna kennarastéttarinnar.

12. Kennurum ber að vinna saman á faglegan hátt, taka þátt í að
marka stefnu og móta daglegt starf í skólanum.

13. Kennurum ber að sýna hver öðrum fulla virðingu í ræðu, riti og
framkomu.*


Siðareglur þessar skal endurskoða reglulega.

*Kennari má sem sagt bæði tala og skrifa um aðra kennara. Intresant.