Æ, ég veit ekki alveg með hann Þórólf. Mér finnst eiginlega ekki sanngjarnt að hann sitji uppi með skömmina af þessu samráði og forstjórarnir sleppi. Af hverju að hengja litlu kallana? Ef maður er í þeirri stöðu að vinna einhvers staðar og yfirmennirnir eru að fremja lögbrot hvað gerir maður þá? Kærir þá til lögreglu, er rekinn með skít og skömm með það mannorð að maður sé ekki trygglyndur starfsmaður? Fær hvergi vinnu nema kannski að sætta sig við lægri status en maður er vanur og getur ekki boðið fjölskyldunni upp á það sama og venjulega. Eða, tekur maður þátt og leitar sér að annarri vinnu á meðan? Var það ekki það sem hann gerði? Ekki það að ég sé að verja borgarstjórann eitthvað sérstaklega, mér er nokk sama hver er borgarstjóri á meðan hann er vinstra megin við línuna. Mér finnst bara skrítið að það sé ráðist að Þórólfi úr öllum áttum en þjóðin minnkar ekkert viðskipti sín við glæpafyrirtækin. Er ekki einhver þversögn í þessu? Forstjórarnir sleppa, fyrirtækin sleppa en Þórólfi er slátrað. Það er pólitísk skítafýla af þessu.
Krossinn sem ég ber
Það er ungur maður á facebook sem hefur gaman að því að tilkynna hvaða dagur er. Það er bara fínt, þetta er falleg sál og ég læka þetta yfirleitt hjá honum . Hins vegar fékk ég sting í hjartað í dag . Á þessum degi fyrir sextán árum síðan lá ég inni á spítala og h a fði þegar verið í þrjá d aga. Það var verið að reyna að framkalla fæðingu litlu stúlkunnar minnar sem ég var gengin með 24 vikur en í sónar þremur dögum áður kom í ljós að það var enginn hjartsláttur. Stúlkan var dáin. Það átti eftir að taka tvo daga í viðbót að n á að framkalla fæðinguna. Í fimm daga gekk ég vitandi með dána barnið mitt. Hún var auðvitað búin að vera dáin lengur, ég bað um skoðun því ég hætti að finna hreyfingar. Ég veit að einstaklingur sem hefur aldrei gengið með barn, hvað þá fætt, getur skilið þetta. Að finna barnið hreyfa sig og sparka og svo hættir það. Að fæða barn og það er dauðaþögn. Við foreldrarnir vorum niðurbrotnir. Ég dró mig í hlé og grét. Pabbinn var reiður út í heiminn. Ég gat ekk
Alveg er ég sammála. Ég á eftir að sjá þá sem mest tala, hvort að þeir myndu í raun ganga gegn valdakerfi samfélagsins alls og kæra yfirmenn sína, ef þeir væru í þannig aðstöðu. Hætta á það að verða atvinnulausir og fá hvergi aðra vinnu. Kolkrabbinn var nú það öflugur hér í den, að það var ekki fyrir venjulegt fólk að ganga gegn honum.
SvaraEyðaÞar með er ég ekki að segja að Þórólfur sé saklaus. En mér finnst vanta að fjölmiðlar beini spjótum sínum að yfirmönnum olíufélaganna, þeim sem bera raunverulega ábyrgð á samráðinu. Af hverju er Eva Bergþóra ekki á skokki fyrir framan hús Kristins B. og Sólveigar? Af hverju króar Róbert Marshall Einar Ben, ekki af? Mér er spurn. (afsakið ræðuna). ;)
já, vitið þið, ég er líka alveg sammála þessu. Auðvitað á Þórólfur að taka sína ábyrgð, en hinir dillibossarnir eiga að sjálfsögðu mestu ábyrgðina; þá ætti hreinlega að dæma í fangelsi, að mínu mati.
SvaraEyðaHvað er þetta með fólk, enginn eða amk fáir hættir að kaupa annað en bensín á bensínstöðvunum, þrátt fyrir að allir séu eiturfúlir. Íslendingar kunna bara ekki þetta með neytendamótmæli. Ég tek frekar á mig krók inn í Kópavog heldur en að versla hjá glæpafélögunum.