Sveitavargurinn brá sér í mikla menningarreisu í höfuðstað Norðurlands í dag. Bilaður DVD spilari fékk allra náðsamlegast að fljóta með en var hvorki vinsæll né vel metinn ferðafélagi. Maður er ca. 45 mínútur að keyra þetta (1.5 fram og til baka) og bara fínt að keyra þótt það væri rigningarsúld. Mér tókst að syngja hástöfum alla leiðina og er orðin hálf rám. Skil ekkert í því.
Tókst að láta einhverja bílstjóra fara í taugarnar á mér nálægt höfuðstaðnum og blótaði svo Akureyringunum í sand og ösku þegar ég lenti á öllum rauðu ljósunum. Svo voru allir bara ferlega næs hvert sem ég fór og fór ég nokkuð víða!
DVD spilarinn var dæmdur og léttvægur fundinn af tveimur aðilum og keypti ég því nýjan. Strákurinn hjá BT lét mig hafa þennan nýja á útsöluverði þótt útsölunni væri lokið því þessi bilaði kom frá þeim (og er runninn út á ábyrgð). Ég hef aldrei fengið neitt nema framúrskarandi þjónustu hjá BT og svo sannarlega halda áfram að beina viðskiptum mínum til þeirra.
Svo vil ég taka fram að bilaðar græjur og græjukaup eru tilvalinn vettvangur til að hitta karlmenn og hana nú!

Ummæli

  1. Spennandi.... hittirðu þá einhvern?

    SvaraEyða
  2. Öh... Ja, ég hitti náttúrulega nokkra en tilvonandi eiginmaður var nú ekki þar á meðal. Held ég. Nema annað komi í ljós. Það kviknuðu alla vega engir neistar. En ég á samt nýjan DVD spilara:)

    SvaraEyða

Skrifa ummæli

Vinsælar færslur af þessu bloggi

Blikar á ljáinn

161 fm einbýlishús, 1/3 í kúabúi og gistikot til sölu á 73,5 milljónir

Að semja við narsissista