Oh, það er alltaf svo gaman að verða vitni að því hvað jafnréttið er komið langt, eða þannig. Var að horfa á Kastljós þar sem smástrákarnir voru að tala við tvær Framsóknarkonur sem voru að hvetja þingflokkinn sinn til að setja ekki konu af sem ráðherra. Strákarnir margspurðu að því hvort það væri ekki rétt að hæfileikar ættu að ráða og hvort það væri ekki vafasamt að láta kynferði sitja í fyrirrúmi. Jú, auðvitað er það slæmt að það sé kynferðið sem sitji í fyrirrúmi en málið er bara að þannig er það búið að vera í aldaraðir í þágu karla! Og persónulega finnst mér bara allt í lagi að kynferði sitji í fyrirrúmi í þágu kvenna í nokkur ár.
Svo kemur hjá strákunum að tilfellið sé að það sé erfitt að fá ungar konur til að taka þátt í stjórnmálum. Oh, dahhh... Af hverju ætli að það sé? Kannski vegna þess að ungar konur sjá að konur komast lítt sem ekkert áfram? Af því að það vantar fyrirmyndir? Af því að það er komið ömurlega fram við konur? Það er næsta víst að karl hefði aldrei nokkurn tíma fengið þá útreið í fjölmiðlum eins og t.d. Ingibjörg Pálmadóttir fékk. Og er arftaki hennar þó hálfgerður þumbi. Ég segi nú bara eins og Guðni rektor vinur minn hér í denn: Think! Use the bean!

Þá er sumarvinnunni við sundin blá lokið og aðalvinnan tekin við. Ég fékk stundaskrána mína í hendur og er hamingjusamasti kennari á jarðríki. Kenni ekkert nema íslensku og ensku! Þykir það samt dáldið duló að ég skuli hafa verið tekin úr dönskukennslunni eins og ég var nú alveg framúrskarandi...
Stofan mín er í rúst og það er ekki mér að kenna. Ég er gróflega móðguð enda fullfær um að rústa mínum vistaverum sjálf og þarf nákvæmlega enga aðstoð við það. Those people will be hunted down.
Það var verið að segja mér sögur úr fornöld af hinum ýmsustu kennurum. M.a. annars var kennslukona ein sem var alltaf kölluð Fröken Sigríður. Frá og með núna er ég Fröken Ásta.

Fór að sjá Fahrenheit í kvöld. Komum lítillega of seint og lentum á fremsta bekk. Í fyrsta lagi þá er ekki hægt að fókusera svona nálægt svo ég sá aldrei nema einn fjórða af myndinni, eitt horn í einu. Þ.a. l. þykir mér eðlilegt að ég þurfi ekki að borga nema einn fjórða af miðaverðinu. Svo er ég auðvitað með hálsríg. En ekki mjög slæman samt því ég er svo vön því að lesa textann að ég var eins og áhorfandi á tenniskeppni sem hélt hálsinum heitum. Ég sá auðvitað ekkert nema textann á meðan en það er svona.

Sportaði mig í sólinni í gær á ermalausum bol sem á stendur: Sex instructor. First lesson free. Sem betur fer fékk ég eina bókun, ég veit bara ekki hvað hefði annars orðið um sjálfsálitið!
Fékk reyndar bónorð í dag. Var stungið upp á sjúkrabíl sem brúðarbíl. Ég afþakkaði þetta kurteislega.

,,Nei, bara svona margir karlmenn. Guð, hvað það á eftir að vera mikið aksjón hér í dag." Guð, en gaman að vera svona vanmetin. Guð, en gaman að fá það svona beint í æð að maður sé bara annars flokks starfsmaður. Guð, en gaman að vita að jafnréttið er ekki komið lengra en þetta. Guð, hvað ég gæti gubbað.

Dularfulla fótameinið hvarf eins og dögg fyrir sólu af því að ég svaf vel og lengi. En af því að ég svaf svo vel og lengi þá er ég búin að vera með dúndrandi hausverk í allan dag. Sometimes I wonder why I bother...

Kemst ekki í mína daglegu heilsubótargöngu vegna vansældar í vinstri hæl. Undurfurðulegt allt saman, ætla ekkert að ónáða aðra með nákvæmari lýsingum. Get samt varla stigið í fótinn. Það er náttúrulega hið versta mál þar sem mér hefur orðið mjög vel ágengt með fríhafnarsælgætið. Komst að þeirri niðurstöðu að ég gæti bara ekki haft þetta hangandi yfir höfðinu á mér og verið með sektarkennd í marga daga. Langbest bara að klára þetta sem fyrst svo það sé bara úr veginum. Svo hér sit ég yfirétin og ógöngufær. Ekki gaman.

Fór í hagkaup í dag og þar blöstu við skólavörur út um allt. Er skólinn að byrja? Damn..

Það var svo sem ágætis veður í dag en engu að síður er komið haust í loftið. Sumarvinnunni er að ljúka og aðalvinnan að taka við. Voðalega er þetta stutt sumarfrí.
Getur verið að ég sé að kvefast? Get ekki verið veik síðustu vikuna, það er alveg fáránlegt.

Keypti bananatertu í tilefni dagsins.