Oj bara, sumir dagar. Mér finnst að það eigi að kynskipta fyrstu átta árunum í grunnskóla. Ekki fyrir börnin sko, heldur mig. Ég myndi vilja kenna stelpum frá 6-10 ára og drengjum frá 10-14. Eftir það eru allir orðnir fínir.

Eins og alþjóð veit þá er búið að vera yndislegt veður í dag. Og alþjóð veit það líka að kennarar vinna aldrei neitt svo það kemur væntanlega engum á óvart að ég er búin að vera úti að leika mér í mestallan dag. Ég stóð mig alveg frábærlega í fótboltanum, náði meira að segja að skora mark þegar strákarnir leyfðu okkur að skora. Hey, come on, hálffertug, búttuð kona með astma. Hins vegar er það ljóst að ég er með alvarlega snú-snú fötlun. Ég gat aldrei neitt í snú-snú þegar ég var krakki heldur sneri alltaf. Eftir mikla hvatningu í dag þá gerði ég heiðarlega tilraun og veit nú í hverju vandinn felst. Ég kann ekki að fara út. Flækti mig tvisvar í bandinu og í annað skiptið flaug ég endilöng eftir gervigrasinu á Leiknisvellinum. Við vorum með alla þrjá áttundu bekkina úti og níundu bekkirnir voru líka úti í íþróttum. Flugið vakti að vonum mikla kátínu. Þannig að nú ætla ég að fá mér snú-snú band og æfa mig á kvöldin.

Stephenie rúlar! Þetta var óvænt útspil hjá Janu. Vona að stelpurnar fari að standa saman. Þoli ekki hvað konurnar tapa þessu alltaf og sjá ekki í gegnum samstöðuna hjá körlunum.

Ókey, í fyrsta lagi: Hvar er Survivor!!! Ég er mætt á réttum tíma!

En fyrst ég þarf að bíða þá get ég sagt frá hinum æsispennandi atburðum í viðburðaríku lífi mínu. Ég fékk nýju ofnæmislyfin í dag. Þau eru rándýr svo ég er hálfpartinn að vona að þau virki ekki.Ef þau virka betur þá er það hið besta mál því maður á ekki að verða eins syfjaður af þeim og þessum gömlu. Ég er að vísu orðin vön þessum gömlu en ég get alveg þolað það að vera hressari.
Megrunin byrjaði ekki vel. Ég fékk aðsvif í hádeginu af blóðsykursfalli! Fékk eitthvað svona ,,yfir mig". Mjög undarlegt. Létt AB mjól með weetabix í morgunmat og svo ekkert fyrr en klukkan 12:40 gengur greinilega ekki. Svo diskur af hafragraut er kominn inn í planið klukkan hálftíu. Mér finnst hafragrautur góður svo það er allt í lagi.
Að öðru leyti bara ágætt. Það er að koma sumar. Það er enn þá bjart yfir:)

Single and looking

Your dating personality profile: Liberal - Politics matters to you, and you aren't afraid to share your left-leaning views. You would never be caught voting for a conservative candidate. Intellectual - You consider your mind amongst your assets. Learning is not a chore but a constant search after wisdom and knowledge. You value education and rationality. Big-Hearted - You are a kind and caring person. Your warmth is inviting, and your heart is a wellspring of love.

Your date match profile: Big-Hearted - You want someone compassionate, someone gentle and kind. A loving, nurturing person will fill that hole in your life. Shy - You are put off by people who are open books. You are drawn to someone who is a bit more mysterious. You want to draw him out of his shell and get to know what he is all about. Practical - You are drawn to people who are sensible and smart. Flashy, materialistic people turn you off. You appreciate the simpler side of living.

Your Top Ten Traits 1. Liberal 2. Intellectual 3. Big-Hearted 4. Practical 5. Wealthy/Ambitious 6. Adventurous 7. Funny 8. Outgoing 9. Sensual 10. Traditional

Your Top Ten Match Traits 1. Big-Hearted 2. Shy 3. Practical 4. Intellectual 5. Funny 6. Traditional 7. Athletic 8. Adventurous 9. Sensual 10. Conservative

Take the Online Dating Personality Quiz at Dating Diversions

Veit ekki alveg með þennan teljara. Ætli að ég þurfi að byrja upp á nýtt í hvert skipti sem ég vil sýna breytingu? Og vinsamlegast athugið: Ég þarf ekki að missa 91 kíló! Við erum nokkrar saman. (Ég myndi sko aldrei opinbera nákvæmlega hvað ég er þung.)

Það er búið að vera ósköp ljúft veður í dag þótt það sé enn þá dálítið gluggaveður. Mér tókst að vísu ekki að nýta daginn neitt gáfulega heldur sofnaði um miðjan dag og svaf í þrjá klukkutíma! Er nú ekki alveg að fatta það en ég hlýt bara að hafa verið þreytt. Ég eyði alla vega almennt ekkert ofboðslega miklum tíma í svefn.
Fyrsti grillmatur sumarsins rann mjög ljúflega niður og er ég alveg hæstánægð með að grillseason sé runnið upp.
Vil koma því á framfæri að ég er hundóánægð með þennan nýja páfa. Vona að það sé rétt sem einhverjir halda fram að hann eigi bara að vera svona pása áður en umbótapáfi verður kosinn.
Að endingu þá höfum við nokkrar tekið okkur saman og ákveðið að fara í megrun. Samanlagt vegum við 343 kíló og viljum missa 91 kíló. Ég fann nefnilega svona megrunarblogg og linkaði á eitt. Þetta er greinilega hægt svo nú ætla ég að fara í megrun með samstarfi og stuðningi annarra. Ætla að athuga hvort ég geti sett upp svona línu svo lesendur geti fylgst með þessu æsispennandi máli. (Og ég geti notað sem svipu á mig.)