Eins og alþjóð veit þá er búið að vera yndislegt veður í dag. Og alþjóð veit það líka að kennarar vinna aldrei neitt svo það kemur væntanlega engum á óvart að ég er búin að vera úti að leika mér í mestallan dag. Ég stóð mig alveg frábærlega í fótboltanum, náði meira að segja að skora mark þegar strákarnir leyfðu okkur að skora. Hey, come on, hálffertug, búttuð kona með astma. Hins vegar er það ljóst að ég er með alvarlega snú-snú fötlun. Ég gat aldrei neitt í snú-snú þegar ég var krakki heldur sneri alltaf. Eftir mikla hvatningu í dag þá gerði ég heiðarlega tilraun og veit nú í hverju vandinn felst. Ég kann ekki að fara út. Flækti mig tvisvar í bandinu og í annað skiptið flaug ég endilöng eftir gervigrasinu á Leiknisvellinum. Við vorum með alla þrjá áttundu bekkina úti og níundu bekkirnir voru líka úti í íþróttum. Flugið vakti að vonum mikla kátínu. Þannig að nú ætla ég að fá mér snú-snú band og æfa mig á kvöldin.
Látið ekki sakleysislegt útlitið blekkja!
Já, við fyrstu sýn virðist þetta ósköp eðlilegur köttur. En hún er það ekki!
Ég var hringd út um tvöleytið í dag því að þessi vargur, þessi glæpaköttur hafði ráðist á litlu, sætu kisustelpuna mína þar sem hún svaf í sakleysi sínu. Þær voru í fangbrögðum þegar litla systir sleit þær í sundur! Og litla, sæta kisustelpan mín var öll útklóruð með, ég er gjörsamlega miður mín, bitsár á bringunni. Svo það var brunað upp á Dýraspítala þar sem hún var sprautuð með pensilínsprautu. Það er ekki nóg með að verða fyrir svona svívirðulegu launsátri heldur þurfti hún að fara í bíl! Og fá sprautu! Á meðan skraðræðisgripurinn var heima og hrósaði sigri og þóttist aldeilis hafa tekist að hrekja keppinautinn að heiman.
Þegar við komum aftur heim og Snotra litla, fórnarlambið, faldi sig uppi í glugga og rétt gjóaði einu auga í genum rifu til að fylgjast með ofbeldisseggnum, þá lá Kolfinna í leyni fyrir Dúlla. Ég ætlaði að taka hana upp og ræða þessa hegðun
Polaramin 6mg depot. Ágætis lyf alveg. Hins vegar á þetta Aerius að virka betur á frjókornaofnæmi. Svo er auðvitað bara mismunandi hvað hentar hverjum.
SvaraEyðamega krakkar taka það líka? mín 13 ára er með frjókornaofnæmi, hefur aldrei tekið neitt...
SvaraEyðauuu, var ekki búin að skoða linkinn hjá þér, sé þetta núna.
SvaraEyðaHehehe ég á við svipaða fötlun að stríða. Get alveg séð þig fyrir mér í snú-snúinu.
SvaraEyða