Þá er óvissuferð starfsmannafélagsins um suðurlandsundirlendið lokið og slapp ég tiltölulega heilu höldnu í gegnum hana. Datt að vísu af hestbaki í fyrsta skipti á ævinni en það var ósköp pent og nett fall og hjálmurinn tók höggið. Hins vegar er stoltið ákaflega sært svo ég er að íhuga multimilljónkróna lögsókn á hendur hestaleigunni vegna andlegs álags.Það er náttúrulega algjörlega henni að kenna að girða hnakkinn ekki betur þótt ég hafi fundið það áður en lagt var af stað og farið svo í kappreið. Algjörlega þeim að kenna. Algjörlega!
Jæja, best að koma sér í vinnuna og klára yfirferð og einkunnagjöf.