Ég er búin að slaka á í aðhaldinu af því að ég treysti á að ég grennist í Aðaldalnum. Ekkert bakarí, engar sjoppur engin pizzabúlla. Verð að treysta á eldamennsku sjáfrar mín. Ó, Guð, ég á eftir að svelta í hel!

Bank trouble, don't like bank trouble. Hringdu í mig þjónustufulltrúi. Hringdu í mig núúúnaaaa.....

,,NEVER LOSE SIGHT OF THE GOAL!"

Stóra systir er að hjálpa mér að pakka. Hún er mjög týpískur frumburður, rösk og dugleg, svo í rauninni er hún að pakka og ég að bora í nefið. Síðastliðnir tveir dagar hafa farið í það að pakka bókum. Það eru 17 kassar af bókum frammi á gangi núna og sex niðri í kompu sem ég ætla að skilja eftir. Að vísu er ekki alveg búið að pakka öllum bókunum en eftirhreyturnar ná ekki nema í einn eða tvo kassa. Stóru systur finnst ég eiga dálítð mikið af bókum. Ég er ekki sammála því. En skv. feng shui þá koma bækurnar mínar og uppröðunin á þeim í veg fyrir að ég gangi út. A-ha. Ég raða ekki nógu sambandsmiðað í íbúðina. Ég er með tvíbreitt rúm en hinn helmingurinn er yfirleitt undirlagður af bókum. Og ekki nóg með það: Heldur er ég með bókaskáp inni í svefnherbergi sem er í sambandshorninu. Ef ég hef skilið þetta rétt þá þýðir þetta að the important other in my life eru bækur. Ókey.
Stóra systir: Þú mátt ekki setja bókaskáp í sambandshornið fyrir norðan.
Ég: Já en..
Stóra systir: Til hvers ertu að fara norður?
Ég: Öh...
Stóra systir: Ertu ekki að fara til að ná þér í mann?
Ég: Jú.
Stóra systir: NEVER LOSE SIGHT OF THE GOAL!
Svo hlógum við báðar eins og vitleysingar.

Mér finnst þetta bara svo skemmtileg mynd. Sniðugt að þessi litla er köldust:)

Það kom skyldmennaher í heimsókn að hjálpa mér að pakka. Var allt í einu að fatta að ég er að flytja! Og það út á land! Gvöð minn góður! Hvernig datt mér þetta í hug?

Fór alveg sérstaklega í heimsó´kn til að sækja mjólkina en tókst auðvitað að gleyma henni. Það verður fúlt á morgun þegar ég vakna kaffiþyrst. Hins vegar mundi ég eftir að taka með kortið sem börnin mín gáfu mér í vor í útskriftinni. Þau gáfu mér sem sagt þetta

skemmtilega kort og þökkuðu kærlega fyrir allar Klepps- og kattarsögurnar sem ég hafði sagt þeim í gegnum árin. Og svo náttúrulega smá kennslu líka. Þetta var yndislegasti bekkur ever!

Ég er í nettu ofnæmiskasti og neyðist samt til að fara í heimsókn til kattanna þar sem ég gleymdi mjólkinni þar í gær. Svart kaffi er bara ekki málið. Ég gæti kannski keypt aðra mjólk, segi það ekki.
Ég tók eftir því í gærkvöldi þegar ég var að tölta heim í gær, siðprúð og stillt frá móður minni, að það var talsvert partýstand í gangi. Það voru augljóslega nokkur partý í gangi í hverfinu svo þetta kemur mér ekki á´óvart. Ég var einmitt að spá í það á heimleiðinni í gær að ég hefði bara alveg klikkað á að kanna partýmarkaðinn og hvarflaði að mér eitt andartak að bæta úr. En ég hætti við jafnsnögglega og mér datt það í hug. En ég veit að Tóta pönk var í bænum í gær.