Piltur og stúlka - glærur

 Þegar ég byrjaði að kenna Pilt og stúlku fyrir nokkrum árum átti ég engar glærur né fann á netinu. Ég henti loksins í glærur þetta misserið og deili þeim. Óþarfi að allir kennarar séu alltaf að vinna sömu vinnuna hvert í sínu horni😉 Hlaðið niður, breytið og bætið að hentugleika.

Piltur og stúlka - glærur

Algildur og skilyrðislaus réttur

 Núna um helgina hefur fólk farið hamförum vegna meintra svika og hnífa- og/eða sveðjustungna Birgis Þórarinssonar gagnvart stuðnings- og flokksfólki Miðflokksins. Þegar bent er á að annað eins hefur nú gerst þá er það allt annað mál. Helst vegna þess að þeir flokksflakkarar fóru á miðju kjörtímabili eða flokkurinn þeirra "sveik" málstaðinn. Við það fólk sem slíku heldur fram er aðeins eitt að segja: Þið eruð hræsnarar.

48. grein Stjórnarskrár lýðveldisins Íslands er svohljóðandi:

 48. gr.

 Alþingismenn eru eingöngu bundnir við sannfæringu sína og eigi við neinar reglur frá kjósendum sínum.

 … 1)

Það er enginn fyrirvari settur um tíma, meint svik flokksins né neitt annað. Alþingismenn eru aðeins og eingöngu bundnir eigin sannfæringu. Engu öðru. Engum tímaskilyrðum, engum siðareglum, engu nema eigin sannfæringu. Ef sannfæring þeirra er sú að þeirra hag sé betur borgið í öðrum flokki þá dugir það. Hafi sannfæring þeirra sagt þeim það fyrir kosningar þá skiptir það engu máli. Kannski hægt að fara í hártoganir þess efnis að viðkomandi hafi ekki verið orðin/n Alþingismaður fyrir kosningar og þ.a.l. bundinn af almennum siðareglum en ég sé ekki þann möguleika í neinni alvöru.

Í mínum huga er Birgir Þórarinsson á engan hátt verri eða betri en aðrir flokkaflakkarar. Hins vegar finnst mér þetta flokkaflakk almennt og yfirleitt fyrir neðan allar hellur. Fólk kýs flokka, hvað sem hver segir, og flokkurinn á sætið. Það verður fróðlegt að sjá hvernig staða varamanns Birgis verður túlkuð þurfi varamaðurinn að taka sæti. Birgir segir að Erna fylgi sér í Sjálfstæðisflokkinn. Geri hún það hlýtur hún að falla af lista Miðflokksins og þar með út sem varamaður.

Að lokum þætti mér langbest ef allir þingmenn færu eftir eigin sannfæringu og styddu góð mál en færu ekki eftir flokkslínum. Ég held nefnilega að það sé hugsunin á bak við þetta ákvæði.

Blikar á ljáinn

Æviveginn arkar hrund,
ellin handan bíður.
Langt í hennar lokastund
Lofar aldur þýður.

Lífið allt hið ljúfast er.
Lægðir þó á köflum.
Veginn stundum skrattinn sker,
skakar illum öflum.

Tröllum birginn bauð og hló.
Barðist eins og fjárinn.
Litlar skeinur skapar þó,
skreppa fram þá tárin.

Allt í einu skrugguský.
Skelfur allt af ótta.
Tættur vegur, drulludý.
Dregið fyrir flótta.

Fellur kona´á fætur sér,
finnur kaldan náinn.
Undir kufli beinin ber.
Blikar nótt á ljáinn.

Skekur skelfing líf og sál,
skuggar fylla hjarta.
Vona’ og drauma brennur bál,
beiskum tárum skarta.

Móðir óttast, örvingluð.
Allar bænir biður:
“Leyfðu mér að lifa, guð
Ljóstu meinsemd niður.”

161 fm einbýlishús, 1/3 í kúabúi og gistikot til sölu á 73,5 milljónir

Fasteignasalan Byggð. 

Vegna aðstæðna viljum við selja fallega einbýlishúsið okkar í sveitinni. Húsið er byggt 2010, 161 fm steypt. Fjögurra herbergja. Samliggjandi stofa og eldhús. Tvö baðherbergi.

Búið er aðallega kúabú/mjólkurbú með ýmsum aukaverkefnum. 

Einnig er hægt að fá lítið gistikot sem stendur við húsið og gefur ágætar tekjur. 

Húsið er í leigu með góðum og skilvísum leigjendum.

Fyrir liggur nýlegt verðmat á öllum eignum sem og skýrsla um rekstur búsins.

Þessar eignir seljast saman.

Vert er að benda á að skv. Reiknilíkani byggingarkostnaðar kostar rúmar 80 milljónir að byggja 161 fm hús í dag.

Vinsamlegast hafið samband við Martein ef áhugi er fyrir hendi, hann veit allt um búreksturinn.

GSM 893-3611

Email marteinngunnars@gmail.com

Að semja við narsissista

Október 2017. 

Narsinn: Ég mun aldrei selja minn hluta. 

Við: Ókey, viltu þá kaupa okkur út? 

N. Nei! 

 Haust 2018. 

N: Ég vil selja allt mitt. 

V: Ókey, við skulum kaupa þig út. 

N: Nei! Ég vil selja allt mitt bara öllum nema ykkur! 

 Október 2018 

N: Það eina sem ég er tilbúinn að semja um er að allt verði selt í einum pakka og húsið ykkar verði í þeim pakka. 

V: Fyrirgefðu, hvað!? Þú vilt sem sagt hleypa upp öllu okkar lífi, flæma fjölskylduna frá Hálsi og börnin úr skólanum sínum?*

 Mars 2019. 

V: Allt í lagi, við gefumst upp á þessu rugli og samþykkjum að allt verði verðmetið þar með talið húsið okkar. 

Við skrifum strax undir fundargerðina. 

Hann hefur ekki enn skrifað undir hana. **

 2020 Nýjar fundarraðir. 

Unnið áfram í því ferli sem hann sjálfur lagði til.

N frestar og tefur og kemur með hvern fyrirsláttinn á fætur öðrum.

Október 2020

N: Ég vil ekki selja! Þú vilt selja!

Ég hef að sjálfsögðu gögn sem staðfesta þessa frásögn.

 

Hægt er að setja íslenskan texta á myndbandið.

*Honum hefur tekist þetta ætlunarverk sitt með dyggri aðstoð skósveina sinna.

**Þriðji meðeigandinn  sem er búinn að biðja um að vera keyptur út í 10 ár tók 6 mánuði í að skrifa undir. 

Fíasól og Skuggi

Skuggi

Fíasól

Skuggi kom til okkar 2016 ásamt Batman bróður sínum. Því miður varð (sic.) Batman fyrir bíl ári seinna svo Skuggi varð einn. Hann er afskaplega rólegur köttur en vill hafa hlutina á sínum forsendum. Hann vill ekki láta halda á sér og klappa sér en honum finnst ósköp notalegt að liggja á gólfinu og fá strokur. Honum finnst líka ofboðslega gott að borða.

Fíasól kom 2018. Við fengum hana sem högna og skírðum Messi. Seinna kom í ljós að hún var lítil stelpurófa. Við ætluðum bara að láta hana heita Messi áfram en vinkona mín kom í heimsókn og kallaði hana Fífí og Fíusól. Fíasól smellpassaði svo hún hefur heitið það síðan. Fíasól er mikill veiðiköttur og er því með bjöllur og trúðakraga. Sá siður hefur haldist frá því að hún var kettlingur að hún fær (laktósalausa) mjólk á morgnana. Hún fékk hana á eldhúsbekknum svo hundurinn næði ekki mjólkinni. Hún kemur enn á morgnana og vill oft láta lyfta sér upp eins og þegar hún var lítil þótt hún geti auðveldlega stokkið😉

Á kvöldin fá þau blautmat sem fóstri þeirra gefur þeim. Þau mæta og bíða.

 Þannig er mál með vexti að lausaganga katta er bönnuð á Húsavík. Þau frændsystkinin eru vön því að fá að fara út og hægara sagt en gert að breyta útiköttum í inniketti. (Fyrir nú utan nú að leigusalinn vill ekki ketti.) Því biðlum við til einhverra góðhjartaðra kattavina þar sem lausaganga er leyfð ef þeir gætu mögulega passað kettina okkar í vetur🙏

Hús til leigu.

Húsið okkar.

Hús okkar á Hálsi í Kaldakinn er til leigu, alla vega næstu 5 mánuði. Húsið er búið húsgögnum.

161 fm, þrjú svefnherbergi, eitt gestaherbergi með rennihurðum, tvö baðherbergi, eldhús og stofa.

Leiga: 130.000 þús.

Hægt er að semja um leigu á herbergjum ef fleiri vilja leigja saman.

Gott væri ef leigjendur gætu leyft tveimur köttum að búa með sér.

Marteinn:  marteinngunnars@gmail.com, GSM 893-3611.

Einnig er hægt að fá lítið eins herbergis hús til langtímaleigu.