Tvennt

1. Það getur hver sem er skráð sig til heimilis hvar sem er. Það þýðir ekki að viðkomandi sé þar með skráður í sambúð. En ef svo er þá til hamingju með að vera komin í hóp heiðarlegra skattgreiðenda.

2. "Ef fólk þiggur bætur á röngum forsendum eru þær í öllum tilfellum afturkræfar."

Tryggingastofnun kallaði eftir skattaskýrslum mörg ár aftur í tímann fyrir 14 árum siðan.

Helvítis kerlingin skal þegja II

Í fyrri pistli var spurt á hvaða vegferð þeir menn væru sem gætu ekki samþykkt sínar eigin tillögur. Reyndar veit ég á hvaða vegferð alla vega annar þeirra er. Þetta er hluti úr bréfi lögfræðings hans til þáverandi lögfræðings okkar:

Umbj. m. hefur falið mér að gera skýrt grein fyrir því við umbj. XXX að meðan allar bloggfærslur og samsvarandi færslur eru ekki teknar niður og skrifum hætt um málefni búsins verður ekki um frekara samstarf eða viðræður um lausn þessa máls að tefla. Gildir það jafnt um allar færslur á öllum miðlum. Þá fyrst þegar 4 vikur eru liðnar frá því bloggfærslur og aðrar samsvarandi færslur eru teknar niður og ekki hafa birtst að nýju eða aðrar nýjar færslur, þar sem fjallað er hvort heldur sem er með beinum eða óbeinum hætti um málefni umbj. m. og félagið og búrekstur, verður hægt að halda viðræðum áfram um lausn málsins. Birtist nýjar færslur eða finnist innan slíks tímabils, hefst nýtt 4 vikna tímabil þar sem umbj. m. mun ekki láta málið til sín taka eða veita atbeina sinn til lausnar málinu.

Það er algjört aðalatriði í huga þessa manns að hafa stjórn á þessari helvítis kerlingu. Hún skal þegja sama hvað það kostar. Hann verður, hann bara verður, að hafa dagskrárvaldið. Ef þetta gerist ekki algjörlega á hans forsendum þá gerist það ekki. Frekar skal hann búa einn og óhamingjusamur við hliðina á okkur árum saman frekar en að leysa þetta mál. Helvítis kerlingin hún skal hún skal hún skal hún skal hún skal þegja!

Ég hef margoft komið inn á það að bloggið er ekki ástæða fyrir einu eða neinu. Bloggið er viðbrögð við hans framkomu. Okkar hlið á málinu. Af hverju má okkar hlið ekki heyrast? Ef það sem við erum að segja er svona rangt þá ætti nú að vera hægur vandi að benda á það og sýna hvað við erum lygin og ómerkileg. Er tilfellið kannski það að við erum að fara rétt með? 

Samningaumleitanir eru yfirleitt á þann veg að ef aðili vill eitthvað frá öðrum þá verður hann að gefa eitthvað eftir í staðinn. Hvað haldið þið að mér sé boðið í staðinn fyrir að "taka allt niður alls staðar og halda kjafti í fjórar vikur"? Sem er honum greinilega mjög mikið hjartans mál.

Ekkert. 

Alla vega ekkert af því sem við viljum. Það sem við fáum í staðinn er að hann ætlar kannski að fara í viðræður um að selja undan okkur húsið svo hans eignir verði verðmeiri. En bara kannski.

Furðulegt að ég skuli ekki hlýða.

En auðvitað snýst þetta ekkert um bloggið. Þessi leiðindi voru búin að vera í gangi í níu mánuði áður en ég fór að blogga um þau. Hann var ekki til neinna viðræðna á þeim tíma heldur. Ef það væri ekki bloggið þá væri það bara eitthvað annað. Þetta snýst um vald. Að hafa okkur undir hælnum. Að ráða okkur og stjórna. Ef hann semur við okkur eða leysir þetta mál þá missir hann það litla vald sem hann hefur í heiminum.

Ég veit hins vegar ekki hvað hinum gengur til. Hvernig hann vinnur stöðugt gegn eigin hagsmunum og leyfir litla bróður sínum að blóðmjólka búið. Litli bróðir fær að skaffa sér hátekjulaun án samþykkis stjórnar. Auðvitað er enginn arður greiddur út því það fer allt í þessar launagreiðslur eins eigandans og hinir sitja eftir með ekkert. Litli bróðir má líka alveg búa leigulaust í húsi búsins þótt honum hafi verið gefið annað hús á lóðinni sem stendur autt. Búið er að grotna niður, með þessu áframhaldi verður það verðlaust eftir nokkur ár.
Síst af öllu skil ég hvernig hægt var, eftir áralangar kröfur um að vera keyptur út, að hafna fyrst 30 milljóna króna tilboði og svo 28 milljóna króna tilboði, af því það var "undir væntingum", og vinna svo við það að hreinsa draslið undan bræðrum sínum. Ég næ bara engan veginn upp í það.
Það býður enginn hærra á meðan búið er ekki á sölu. Það hlýtur hver heilvita maður að sjá það.*

Kosturinn við þessa samvinnu þeirra og samstöðu er sá að nú er hægt að fara að vinna með 18. grein laga um ehf.

 [18. gr. a.  Hluthafi getur krafist dóms fyrir því að félagið innleysi hlut hans í félaginu enda standi veigamikil rök til þess að honum verði gert kleift að losna úr félaginu vegna þess að:     

1. félagsstjórn, framkvæmdastjóri eða aðrir, sem fram koma fyrir hönd félags, svo og hluthafar, hafa brotið gegn ákvæðum 51. og 70. gr. um öflun ótilhlýðilegra hagsmuna;
    2. annar hluthafi í félaginu hefur misbeitt áhrifum sínum í félaginu;
    3. djúpstæður og langvarandi ágreiningur er milli hluthafans og annarra hluthafa um rekstur félagsins.
 Ef innlausn skv. 1. mgr. leiðir til umtalsverðs tjóns fyrir félagið eða leiðir með öðrum hætti til ósanngjarnrar niðurstöðu fyrir það skal ekki taka kröfu hluthafans til greina. Sama máli gegnir ef félagið finnur einhvern sem er reiðubúinn til að kaupa hlutina gegn greiðslu er svarar til innlausnarverðsins. [Ákvæði 4. mgr. 14. gr. gildir eftir því sem við á.] 1)] 2)

*Það hefði örugglega verið gott að hafa þessa peninga í vasanum við íbúðarkaupin. 

We´re on the road to nowhere...

Þann 19. mars sl. var haldinn fundur í Hálsbúi ehf. með eigendum, einum ráðgjafa (mér)  og lögfræðingum þeirra. Fundurinn stóð í ca. einn og hálfan tíma. Með þremur lögfræðingum á fullu tímakaupi þá getið þið rétt ímyndað ykkur hvort hann hafi verið ódýr.

Á þessum fundi kom ýmislegt fram og ýmsu haldið fram eins og t.d. ímynduðum hústökurétti sem er ekki til í íslenskum lögum. En hvað um það...

Við viljum kaupa búið og höfum gert þeim alls konar tilboð og allhá. Allt kemur fyrir ekki. Meðeigendurnir eru ákveðnir í því að flæma okkur fjölskylduna í burtu af Hálsi. Litlu frændur þeirra, einu barnabörn foreldra þeirra, skulu ekki fá að alast upp á jörð afa síns og ömmu, langafa og langömmu. Eina lausnin sem þeir bjóða upp á er að allt sé selt, þ.m.t. okkar hús. Það fæst nefnilega meira fyrir þeirra eignir ef húsið okkar er selt með.

Þannig að þrátt fyrir að við viljum ekki fara heldur kaupa þá samþykktum við að láta endurskoðanda skoða bókhald félagsins með tilliti til sölu. Við samþykktum líka að tveir fasteignasalar myndu meta eignir búsins og þær fasteignir sem á þeim stæðu, okkar hús meðtalið.  Undir þessa fundargerð höfum við hjónin skrifað fyrir allnokkru síðan.

Hins vegar geta meðeigendurnir ekki skrifað undir fundargerðina.

Á hvaða vegferð eru þeir menn sem geta ekki einu sinni samþykkt það sem þeir leggja til sjálfir?

Einbýlishús til sölu UPPFÆRT

Húsið okkar á Hálsi er til sölu fyrir rétt verð. 

Húsið er 4-5 herbergja. Tvær forstofur, þvottahús í annarri og lítið baðherbergi. 3 svefnherbergi og stórt baðherbergi. Stór stofa og aukastofa með rennihurðum sem hægt er að breyta í gestaherbergi.

Húsinu fylgir lítil gistieining. (Sjá hér.)

Undanfarið ár hafa tvö herbergi í húsinu einnig verið leigð út. Nokkuð góðar tekjur fylgja þessari útleigu og er fyrirtæki með öllum leyfum utan um reksturinn. Það getur fylgt með í kaupum.

Lítil lóð er í kringum húsið.

Við erum til í alls konar skipti og skoðum allt. Helst á Húsavík eða á Stór Reykjavíkursvæðinu.

Hafið samband við Karl Gunnarsson hjá Lundi í síma 898-2102 vegna hússins.

Einnig er möguleiki að kaupa hlut í búrekstri.
Hafið samband við Kristínu Edwald hjá LEX í síma 590-2600 vegna búsins.

Nánar auglýst síðar.

Klikkaðar konur

"Hún er nú bara klikkuð!" 

Við höfum öll heyrt af klikkuðum konum. Við sem erum konur höfum verið "klikkaðar" á einhverjum timapunkti. Það sem er hins vegar merkilegt er að þessi meinta "klikkun" er aldrei skilgreind neitt frekar.

Þannig að næst þegar einhver talar um "klikkaða" konu við þig spurðu þá hvernig þessi klikkun lýsir sér.

As Matthew Zawadzki, PhD, (a professor at UC Merced who studies perceptions of one’s own and other’s emotions) explains, “‘Emotional’ is a term used to label women whom you don’t want to have a voice in a situation. When a couple is having an argument, even if a woman has a well-thought-out reason for being upset, a guy might say, ‘You’re just being emotional.’ It’s a way to discredit her instead of having to listen; the words ‘you’re acting crazy’ really mean ‘I don’t have to pay attention to you.’” (Feitletrun mín.)  https://www.refinery29.com/en-us/2014/09/75146/stop-women-crazy-emotions-gender

Vörður á lífsleiðinni

Ég er komin á þann stað i lífi mínu að ég get ekki lesið nokkurn skapaðan hlut án gleraugna. Nýverið var ég að vinna í tölvunni og þurfti þá gleraugu. Við hjónin kaupum gleraugu nánast í tugatali, frúin hefur þann ávana að leggja þau frá sér hér og hvar. Aðallega hvar.

Hófst því leit að gleraugum. Leitin tók svolítinn tíma en hafðist að lokum. Hins vegar kom ég gleraugunum ekki upp á nefið á mér því þar var fyrirstaða, nefnilega gleraugu. „Jæja,“ hugsaði ég, „er ég nú komin þangað.“

Lífsleiðin er nefnilega mörkuð vörðum. Sumar eru stórar: byrja í skóla, fermast, útskrifast, gifta sig, eignast börn.. Allir þessir stóru pólar. En svo eru það litlu vörðurnar.

Sækja um kreditkort, fara til útlanda, vinna í fyrsta skipti. Missa vinnu í fyrsta skipti, brjóta bein. Engir stórir hlutir en samt hlutir sem hafa áhrif.

Hár marka nokkrar vörður, fyrst hár á réttum stöðum og svo röngum. Liturinn á hárinu er ein varðan. Fyrsta hvíta hárið var þvílíkt áfall að ég lagðist í rúmið.

Fyrsta skiptið sem ég þurfti að velta mér fram úr rúminu út af bakverk.

Þegar ég haltra um af því að hnéið læsist.

Öll litlu börnin sem eru komin í ábyrgðastöður í samfélaginu.

Þegar ég gleymi gleraugunum og þarf að biðja afgreiðslufólkið í búðinni að lesa dagsetningarnar á vörunni. Nýverið þurfti ég að biðja starfsmann um að finna vöruna, ég var búin að leita í hálftíma. Sá. Ekkert.

Fer inn í næsta herbergi og man ekkert af hverju.

Systir mín, örfáum árum eldri, fór í bingó um daginn. Bingó. Mér fannst það rosalega fyndið þegar ég sá það á facebook. Ég öfundaði hana líka pínulítið af orkunni að geta verið úti á lífinu fram undir miðnætti á sunnudegi.

Nú væri auðvelt að leggjast í barlóm yfir þessum heldur harkalega ágangi áranna. En þetta er allt í lagi. Þetta eru bara vörður á lífsleiðinni. Þær brjóta upp ferðalagið og gera það skemmtilegra .

Klausturfólk hefur unnið

Við þekkjum öll söguna, við vitum öll hvað gerðist. Klausturfólkið heldur samt linnulaust áfram ofsóknum sínum gagnvart fátækri og heilsulítilli konu.

Við getum hneykslast og fárast yfir því eins og við viljum. Þetta er líka viðbjóðsleg framkoma og við vitum það flest öll. En við vitum líka annað:

Ef við göngum inn á bar þar sem ríkt áhrifafólk situr að sumbli og drullar yfir nafngreindar konur og minnihlutahópa þá tökum við ekki upp símann og ýtum á upptöku. Við göngum út og látumst ekki heyra. Annars bíður mulningsvélin.

Til þess er leikurinn gerður. Þöggun í boði auðvalds. Klausturfólk hefur unnið.